ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦼ
꧋ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦲꦶꦏꦸꦲꦭꦶꦫꦤ꧀ꦥ꦳ꦶꦭ꧀ꦱꦥ꦳ꦠ꧀ꦏꦁꦩꦸꦚ꧀ꦗꦺꦂꦲꦶꦁꦩꦤꦸꦁꦱꦆꦤ꧀ꦢꦶꦮ꦳ꦶꦢꦸꦏꦁꦠꦁꦒꦸꦁꦗꦮꦧ꧀ꦩꦫꦁꦏꦼꦏꦫꦺꦥꦤꦺꦏꦁꦧꦺꦧꦱ꧀ꦠꦤ꧀ꦥꦩꦶꦏꦶꦂꦏꦤ꧀ꦛꦶꦗꦼꦫꦺꦴꦲꦼꦤ꧀ꦝꦶꦏꦁꦧꦼꦤꦼꦂꦭꦤ꧀ꦲꦼꦤ꧀ꦝꦶꦏꦁꦲꦺꦴꦫ꧉ꦱꦏ꧀ꦧꦺꦤꦺꦫꦺꦩꦂꦒꦲꦺꦴꦫꦔꦼꦂꦠꦶꦲꦼꦤ꧀ꦝꦶꦏꦁꦧꦼꦤꦼꦂꦭꦤ꧀ꦲꦼꦤ꧀ꦝꦶꦏꦁꦲꦺꦴꦫꦧꦼꦤꦼꦂ꧈ꦤꦔꦶꦁꦮꦺꦴꦁꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦱꦢꦂꦪꦺꦤ꧀ꦏꦧꦺꦤꦫꦤ꧀ꦱꦶꦥꦠꦺꦫꦺꦭꦠꦶꦥ꦳꧀꧈ꦭꦤ꧀ꦲꦩꦂꦒꦱꦏꦲꦶꦏꦸꦱꦧꦼꦤ꧀ꦆꦤ꧀ꦢꦶꦮ꦳ꦶꦢꦸꦧꦺꦧꦱ꧀ꦤꦼꦩ꧀ꦠꦺꦴꦏꦏꦺꦏꦲꦤꦤ꧀ꦏꦁꦩꦶꦏꦸꦫꦸꦠ꧀ꦲꦁꦒꦼꦥꦤꦺꦧꦼꦤꦼꦂ꧉
꧋ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦼꦲꦶꦏꦸꦱꦭꦃꦱꦶꦗꦶꦲꦭꦶꦫꦤ꧀ꦒꦼꦝꦺꦱꦗꦼꦫꦺꦴꦤꦶꦁꦥ꦳ꦶꦭ꧀ꦱꦥ꦳ꦠ꧀꧈ꦩ꧀ꦭꦶꦒꦶꦠꦿꦝꦶꦱꦶꦥ꦳ꦶꦭ꧀ꦱꦥ꦳ꦠ꧀ꦏꦸꦭꦺꦴꦤ꧀꧈ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦔꦿꦼꦩ꧀ꦧꦸꦒ꧀ꦧꦧ꧀"ꦄꦤ"ꦤꦺꦩꦤꦸꦁꦱ꧈ꦭꦤ꧀ꦏꦲꦤꦤ꧀"ꦄꦤ"ꦲꦶꦏꦸꦢꦶꦠꦩ꧀ꦥꦶꦭꦏꦺꦭꦶꦮꦠ꧀ꦏꦧꦺꦧꦱꦤ꧀꧈ꦥꦶꦠꦏꦺꦴꦤ꧀ꦲꦸꦠꦩꦏꦁꦩꦒꦺꦥꦺꦴꦏꦤ꧀ꦏꦫꦺꦴꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦪꦲꦶꦏꦸꦩꦸꦁꦱꦺꦴꦮꦭ꧀ꦏꦧꦺꦧꦱꦤ꧀꧈ꦲꦥꦏꦧꦺꦧꦱꦤ꧀ꦲꦶꦏꦸ?ꦏꦼꦥꦿꦶꦪꦺꦩꦤꦸꦁꦱꦏꦁꦧꦺꦧꦱ꧀ꦲꦶꦏꦸ?ꦭꦤ꧀ꦩꦶꦠꦸꦫꦸꦠ꧀ꦢꦺꦴꦏ꧀ꦠꦿꦶꦤ꧀ꦩ꧀ꦭꦶꦒꦶꦪꦲꦶꦏꦸꦏꦧꦺꦧꦱꦤ꧀ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦤꦸꦭꦏ꧀ꦩꦼꦤ꧀ꦠꦃꦩꦼꦤ꧀ꦠꦃꦮꦔꦸꦤ꧀ꦝꦺꦠꦼꦂꦩꦶꦤꦱꦶꦩꦫꦁꦏꦧꦺꦧꦱꦤ꧀ꦏꦗꦧꦏꦧꦺꦧꦱꦤ꧀ꦲꦶꦏꦸꦢꦺꦮꦺ꧉
꧋ꦱꦗꦼꦫꦺꦴꦤꦶꦁꦱ꧀ꦠꦸꦢꦶꦱꦼꦏꦺꦴꦭꦲꦤ꧀ꦥ꦳ꦶꦭ꧀ꦱꦥ꦳ꦠ꧀ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦥꦭꦶꦁꦢꦶꦏꦼꦤꦭ꧀ꦠꦩ꧀ꦥꦶꦭ꧀ꦭꦶꦮꦠ꧀ꦗꦼꦄꦤ꧀ꦥꦻꦴꦭ꧀ꦱꦂꦠꦿꦺ꧈ꦏꦁꦩꦶꦱꦸꦮꦸꦂꦏꦤ꧀ꦛꦶꦢꦶꦏ꧀ꦠꦸꦩ꧀"ꦲꦸꦩꦤ꧀ꦆꦱ꧀ꦕꦺꦴꦤ꧀ꦝꦺꦩ꧀ꦤꦺꦣ꧀ꦠꦺꦴꦧꦼꦥ꦳ꦿꦺꦪꦺ"꧈ꦩꦤꦸꦁꦱꦢꦶꦏꦸꦠꦸꦏ꧀ꦱꦸꦥꦪꦧꦺꦧꦱ꧀꧈ꦩꦸꦭꦏꦤ꧀ꦛꦶꦏꦧꦺꦧꦱꦤ꧀ꦲꦶꦏꦸꦱꦧꦚ꧀ꦗꦸꦫꦺꦩꦤꦸꦁꦱꦠꦸꦩꦶꦤ꧀ꦝꦏ꧀꧈ꦥꦶꦠꦏꦺꦴꦤ꧀ꦏꦁꦥꦭꦶꦁꦏꦼꦉꦥ꧀ꦩꦸꦚ꧀ꦕꦸꦭ꧀ꦩꦶꦤꦁꦏꦢꦺꦫꦶꦮ꦳ꦱꦶꦏꦧꦺꦧꦱꦤ꧀ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦲꦶꦏꦸ꧈ꦠꦼꦏꦤ꧀ꦔꦼꦤ꧀ꦝꦶꦏꦧꦺꦧꦱꦤ꧀ꦩꦻꦴꦧꦺꦧꦱ꧀?ꦲꦸꦠꦮ"ꦱꦗꦺꦫꦺꦴꦤꦶꦁꦆꦱ꧀ꦠꦶꦭꦃꦎꦂꦢꦼꦧꦫꦸ"꧈ꦲꦥꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦔꦼꦤꦭ꧀"ꦏꦧꦺꦧꦱꦤ꧀ꦏꦁꦩꦮꦠꦁꦒꦸꦁꦗꦮꦧ꧀"?ꦠꦸꦩꦿꦥ꧀ꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀꧈ꦤꦭꦶꦏꦏꦧꦺꦧꦱꦤ꧀ꦲꦶꦏꦸꦱꦶꦗꦶꦱꦶꦗꦶꦤꦺꦈꦤꦶꦮ꦳ꦼꦂꦱꦭꦶꦠꦱ꧀ꦩꦤꦸꦁꦱ꧈ꦩꦸꦭꦮꦠꦼꦱꦤ꧀ꦱꦏꦏꦧꦺꦧꦱꦤ꧀ꦲꦶꦁꦱꦧꦼꦤ꧀ꦆꦤ꧀ꦢꦶꦮ꦳ꦶꦢꦸꦲꦶꦏꦸꦏꦧꦺꦧꦱꦤ꧀ꦆꦤ꧀ꦢꦶꦮ꦳ꦶꦢꦸꦭꦶꦪ꧉
꧋ꦢꦝꦶꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀꧈ꦲꦺꦴꦫꦏꦸꦢꦸꦢꦝꦶꦆꦤ꧀ꦢꦶꦮ꦳ꦶꦢꦸꦏꦁꦧꦺꦢ꧈ꦱꦢꦂꦪꦺꦤ꧀ꦲꦤꦤꦺꦢꦺꦴꦚꦲꦺꦴꦫꦢꦸꦩꦸꦤꦸꦁꦲꦶꦁꦏꦼꦤ꧀ꦝꦭꦶꦩꦤꦸꦁꦱ꧈ꦤꦔꦶꦁꦲꦺꦴꦫꦒꦮꦺꦱꦮꦺꦤꦺꦃꦏꦁꦲꦸꦤꦶꦏ꧀ꦲꦸꦠꦮꦏꦁꦲꦚꦂꦏꦁꦢꦝꦶꦌꦱꦺꦤ꧀ꦱꦶꦱꦏꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦼ꧉ꦲꦒꦮꦺꦱꦮꦶꦗꦶꦤꦶꦁꦥꦶꦭꦶꦲꦤ꧀ꦩꦶꦠꦸꦫꦸꦠ꧀ꦏꦼꦥꦶꦔꦶꦤꦤꦺꦢꦺꦮꦺ꧈ꦭꦤ꧀ꦱꦢꦂꦠꦁꦒꦸꦁꦗꦮꦧꦺꦲꦶꦁꦩꦁꦱꦔꦫꦺꦥ꧀ꦲꦶꦏꦸꦆꦤ꧀ꦠꦶꦱꦏꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺ꧉ꦩꦶꦤꦁꦏꦕꦺꦴꦤ꧀ꦠꦺꦴ꧈ꦒꦼꦊꦩ꧀ꦲꦺꦴꦫꦒꦼꦊꦩ꧀ꦏꦶꦠꦧꦏꦭ꧀ꦠꦼꦂꦗꦸꦤ꧀ꦩꦼꦚꦁꦩꦤꦺꦏꦥꦿꦺꦴꦥ꦳ꦺꦱꦶꦏꦪꦢꦺꦴꦏ꧀ꦠꦼꦂ꧈ꦢꦺꦱꦻꦤꦼꦂ꧈ꦆꦤ꧀ꦱꦶꦚꦸꦂ꧈ꦥꦼꦧꦶꦱ꧀ꦤꦶꦱ꧀ꦭꦤ꧀ꦱꦥꦔꦸꦁꦒꦭꦤꦺ꧈ꦤꦔꦶꦁꦏꦁꦢꦶꦩꦱꦭꦲꦏꦺꦢꦺꦤꦶꦁꦌꦏ꧀ꦱꦶꦱ꧀ꦠꦺꦤ꧀ꦱꦶꦪꦭꦶꦱ꧀ꦩꦺꦆꦏꦸ꧈ꦄꦥꦏꦶꦠꦢꦝꦶꦢꦺꦴꦏ꧀ꦠꦼꦂꦱꦏꦏꦫꦺꦥꦺꦮꦺꦴꦁꦠꦸꦮ꧈ꦲꦸꦠꦮꦏꦉꦥꦺꦢꦺꦮꦺ꧉
ꦲꦸꦒꦢꦼꦊꦁꦔꦼꦤ꧀
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |