Évaporator

Saka Wikipédia Jawa, bauwarna bébas abasa Jawa
Salah satu jinis evaporator, yaitu rotary evaporator

Evaporator ya iku sawijining piranti kang duwé fungsi nowahi sapérangan utawa sekabehane sawijining pelarut saka sawijining larutan saka wujud cair dadi uwab.[1] Evaporator duwé rong prinsip dhasar, kanggo nijolake panas lan anggo misahake uwab kang kabntuk saka cuwèran.[2] Evaporator racaké kasusun saka telung pérangan, ya iku pangijol panas, pérangan evaporasi (panggonane cuwèran umub banjur kumebul), lan pamisah kanggo misahake uwab saka cuwèran banjur dilebokake ing kondenser (kanggo diembunake/kondensasi) utawa ing piranti liyané.[2] Asil saka evaporator (produk kang diakrepake) biyasane bisa arupa padatan utawa larutan berkonsentrasi.[1] Larutan kang wis dievaporasi bisa baé kasusun saka pirang-pirang komponèn volatil (gampang nguap).[1] Evaporator biyasane digunakaké ing indhustri kimia lan indhustri panganan.[1] Ing indhustri kimia, tuladhané uyah kang digawe saka banyu asin jenuh (minangkka tuladha saka prosès pemurnian) ing evaporator.[1] Evaporator ngowahi air dadi uwab, nyisakake residu mineral ing evaporator.[1] Uap dikondensasekake dadi banyu kang wis diilangake uyahe.[1] Ing sistem pandinginan, efek pandinginan kabentuk saka penyerapan panas déning cuwèran pandingin kang umub kanthi rikat (panguapan mbutuhake ènergi panas).[1] Evaporator uga minangka mroduksi banyu ngombe, ya iku misahake banyu segara utawa zat kontaminasi liyané.[1]

Jinis-jinis[besut | besut sumber]

Evaporator kapérang dadi pirang-pirang jinis, ya iku:

  • Submerged combustion evaporator ya iku evaporator kang dipanasake déning geni kang murub ing ngisore lumahing cuwèran, ya iku nalika gas kang panas padha mbentuk gelembung ngliwati cuwèran.[1]
  • Direct fired evaporator ya iku evaporator kanthi pangapiyan langsung ya iku nalika geni lan pembakaran gas dipisahake saka cuwèran umub lumantar dinding wesi utawa lumah kanggo manasake.[1]
  • Steam heated evaporator ya iku evaporator kanthi pemanasan stem ya iku nalika uwab utawa uwab liyané kang bisa dikondensasi ya iku sumber panas nalika uwab terkondensasi ing siji sisih saka lumahing pamanas lan panas ditranmisi lumantar dinding tekan cuwèran kang umub.[1]

Uga delengen[besut | besut sumber]

Cathetan suku[besut | besut sumber]

  1. ^ a b c d e f g h i j k l Hill M. 2004. Concise Encyclopedia of Chemistry. New York: McGraw-Hill.
  2. ^ a b Hui YH. 2006. Handbook of Food Science, Technology, and Engineering, Volume 3. Boca Raton: Taylor & Francis Group. Hal:102-11. ISBN 1-57444-551-0