Éropah mawa kacepetan séjé-séjé

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Sawijining Diagram Euler mawa nagara-nagara Éropah karo afiliasi anggotané.

Éropah mawa kacepetan séjé-séjé iku tegesé sajeroning kontèks Uni Éropah, kadar integrasiné nagara-nagara anggotané béda-béda, miturut kaanan pulitik ing nagarané dhéwé-dhéwé. Alesané iku kanggo nyegah supaya aja ana nagara-nagara sing ngalangi sawatara integrasi sing dipéngini nagara liyané. Saiki iki, Éropah mawa kacepetan séjé-séjé iku sawijining kanyatan sing ora bisa dipungkiri. Buktiné sawatara nagara kalebu Zona Euro lan nagara liyané mèlu Kawasan Schengen.

Rong Éropah[besut | besut sumber]

Éropah-intisari
Ing modèl iki ana sawatara golongan nagara-nagara UE sing luwih jero integrasiné tinimbang nagara-nagara liyané. Golongan intisari iki contoné bisa ngedegaké lembaga-lembaga dhéwé-dhéwé. Dadi mengko bisa diarani féderasi sajeroning konféderasi. Guy Verhofstadt iku nyengkuyung modèl iki. Dhèwèké ngandaraké supaya diadegaké Nagara Éropah Sarékat, sajaroning Organisasi Nagara-Nagara Éropah.[1]
Integrasi sing séjé-séjé
Ing modèl iki ana sawatara golongan nagara-nagara sing luwih jero kadar integrasiné ing sawatara kawasan. Contoné ana golongan nagara sing luwih raket olèhé nyambut gawé bebarengan ing wewengkon pajeg, lan liyané ing wewengkon panjaga. Modèl iki luwih gampang amarga ora kabèh anggotané kudu sarujuk. Modèl iki uga diarani Europe à la carte, kaya déné wong milih panganan ing menu rèstoran. Dadi ora usah milih pakèt pepak.[2]

Sajatiné Uni Éropah wis milih modèl integrasi sing séjé-séjé. Buktiné ana nyambut gawé bebarengan prakara valuta bebarengen Euro lan Prajanjèn Schengen.

Réferènsi[besut | besut sumber]

  1. (ing basa Walanda) G. Verhofstadt, "De Verenigde Staten van Europa", (2005), p. 89
  2. (ing basa Walanda) Europa-NU: Europa "à la carte"

Pratélan tetembungan[besut | besut sumber]

Basa Jawa Bahasa Indonesia English Nederlands
nyambut gawé bebarengan kerjasama cooperation, collaboration/ to cooperate, to collaborate samenwerking / samenwerken
panjaga pertahanan defense defensie

Pranala njaba[besut | besut sumber]