Yoni

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lingga Yoni kang ditemokaké ing Candhi Sukuh

Yoni (Sansekerta: योिन; yoni) yaiku tembung ingkang nduwé teges bagéyan utawa panggonan (kandhutan) kanggo nglairaké.[1] Tembung iki nduwé teges sing akèh, antara liya sumber, asal, susuh, omah, papan lungguh, kandhang, papan kanggo ngaso, papan tandhon banyu, lan sapanunggalané.[1] Déné ing kamus Jawa Kuna, Yoni kuwi ateges guwa garba, panggonan lair, asalé Brahmana, Daitya, déwa, garbha, padma, naga, raseksa, sarwa, sarwa batha, sudra, siwa, widyadhara lan ayonia.[1] Ing buku Kamasutra lan ing buku sing ana gegayutané karo watu-watu ing candhi, yoni iku pralambang saka alat kelaminé wong wadon, sing dadi pasangan saka lingga.[1]

Yoni uga bisa ditegesi minangka kaya vagina (alat kelamin saka wong wadon), minangka lambang kasuburan ing jaman pra-sejarah.[2] Ing jaman perkembangan Hindhu, Yoni minangka lambang saka Dewi Parvati, garwané Dewa Siwa. [2]Nyawijiné Lingga lan Yoni yaiku ketemuné antarané wong lanang (Purusa) lan wong wadon (Pradhana) minangka lambang kasuburan, saéngga tuwuh panguripan anyar utawa kelairan.[2] Mula, pamujaan lingga-yoni minangka nyaiwijiné Dewa Siwa lan Dewi Parvati yaiku sawijining barokah kanggo masyarakat ing jaman biyèn. Saéngga padatan lingga-yoni dipapanaké ing wilayah pertanian utawa pamujaan para tani ing jaman kuwi.[2]


Cathetan Suku[sunting | sunting sumber]

  1. ^ a b c d (id)Lingga Yoni](diundhuh 14 November 2012)
  2. ^ a b c d (id)Lingga Yoni Altar Naga Situs Gedong Putri(diundhuh 25 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Yoni&oldid=835162"