Urashima Tarō

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lukisan potret Urashima Tarō déning Utagawa Kuniyoshi

Urashima Tarō (浦島太郎?) menika legenda Jepang babagan satunggaling nelayan anama Urashima Tarō [1]. Piyambakipun dipunundhang dhateng Astana segara (Istana Ryūgū) bibar nylametaken bulus. Urashima Tarō piyambak menika ateges "lare jaler saking pulo" [2].

Wonten ing cathetan sejarah Provinsi Tango (Tango no kuni fudoki) wonten carita kanthi irah-irahan Urashima no ko (浦嶼子?)[1], ananging nyariosaken bidadari cacah wolu ingkang mandhap saking langit. Kejawi menika, kisah Urashima Tarō kasebut ing Nihon Shoki lan Man'yōshū[3]. Carita ingkang samenika dipunkenal tiyang kalebet versi Otogizōshi asal saking zaman Muromachi. Kados kathahipun carita rakyat, maneka dhaérah ing Jepang kagungan carita versi piyambak babagan Urashima Tarō.

Pagesangan Urashima Tarō ing Astana Laut kados dipuncariyosaken ing Otogizōshi dipunanggep trep tumrap laré-laré, saéngga dipuntugel nalika dados carita lare. Nalika taun 1910, Kementerian Pendidikan Jepang mlebetaken carita Urashima Tarō dhateng buku teks resmi kagem murid kelas 2 Sekolah Dasar lajeng tetep wonten ing buku teks 40 taun.[3]

Lelampahaning carita[sunting | sunting sumber]

Ilustrasi Urashima Tarō déning Edmund Dulac

Versi Otogizōshi[sunting | sunting sumber]

Ing Provinsi Tango, wonten satunggaling nelayan anama Urashima Tarō. Ing sawijining dinten, piyambakipun kesah mancing, ananging ingkang kenging pancingipun menika bulus. Tarō ngeculke penyu menika dhateng segara mengeti bilih bulus menika saged gesang dumugi 10.000 taun saéngga rumaos welas menawi dipunpateni. Salajengipun wonten wanita ingkang dugi ing pante kanthi ngginakaken prahu. Satunggaling tetua nyuwun supados Tarō nyambut wanita kasebut ingkang sejatosipun pelayan putri. Minangka raos panuwunipun awit saking nulungi bulus, Tarō dipunundhang dhateng Astana Laut. Kalihan pelayan putri, Tarō nitih prahu tumuju Astana Laut. Taro gesang wonten ing mriku 3 taun. Amargi rumaos kuwatir kalihan tiyang sepuhipun, Tarō nyuwun kondur marang kampung. Sang putri banjur ngaku bilih piyambakipun menika bulus ingkang nate dipuntulung déning Tarō. Minangka bebungah kanggé pisah sang putri maringi kotak perhiasan (tamatebako). Nalika dugi ing kampungipun, (tamatebako) boten manggihaken desanipun kala rumiyin lan tiyang sepuhipun sampun seda. Taro rumaoosh sisah lajeng mbikak kotak saking putri. Saking kotak menika medal kukus kaping tiga lan Tarō dados manuk jenjang lajeng mabur ical.

Versi turunan saking Otogizōshi[sunting | sunting sumber]

Nelayan anama Urashima Tarō nulung bulus ingkang nembe dipunsiksa kalihan laré-laré. Minangka raos panuwun sampun nulung, bulus ngajal Tarō tindhak dhateng Astana Laut. Kanthi nitih bulus kasebit Tarō dhateng Astana ingkang wonten ing dhasaring segara. Ing mriku Tarō kepanggih kalihan putri anama Putri Oto. Tarō wonten ing mriku naming pinten dinten lajeng ngersakaken kondur ing desa ananging Putri Oto boten purun. Tarō tetep ngersakaken kondur lan Putri Oto maringi (tamatebako), ugi paring dhawuh supados kotak menika boten dipunbikak. Dugi ing désanipun sedaya tiyang ingkang dipunkenal kalihan Tarō sampun boten wonten. Lajeng Tarō mbikak kotak saking Putri Oto medal kukus saéngga Tarō dados tiyang kakung ingkang sampun sepuh. Miturut petangan wekdal ing dhasar samodra, Tarō namung wonten ing mriku pinten dinten kemawon ananging petangan ing dharatan Tarō kesah 700 taun. Ing versi menika, nasib Tarō salajengipun boten dipuncariyosaken.

Versi Man'yōshū[sunting | sunting sumber]

Referensi[sunting | sunting sumber]

  1. ^ (id) Urashima Taro, (dipunakses tanggal 7 Februari 2013).
  2. ^ (id) Urashima Taro dan Penyu laut, (dipunakses tanggal 7 Februari 2013).
  3. ^ a b Nihon minwa no kai (ed.) (1991). Guidebook nihon no minwa. Tokyo: Kodansha. ISBN 4062045958.

Pranala njawi[sunting | sunting sumber]

Logo Wikimedia Commons
Pirsani galeri bab Urashima Tarō ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Urashima_Tarō&oldid=836316"