Otogizōshi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ilustrasi cariyos Issun bōshi

Otogizōshi (御伽草子, お伽草子, utawi おとぎ草子? buku cerita dongeng) inggih menika sebatan kanggé buku-buku cariyos mawi gambar saking Jepang ingkang dipunsusun wiwit abad kaping 14 dumugi abad kaping 17 [1]. Isinipun menika cerita cekak (dongeng) ingkang kajangkepi kalihan ilustrasi kagem laré-laré sarta tiyang ingkang dewasa. Nama penganggit lan ilustrator menika boten dipunmangertosi.Buku dipunserat kanthi ancas minangka hiburan sarta pendidikan moral ugi agami[2]. Wonten ing Basa Jepang, togi () ateges "hal pelipur kebosanan" utawi tiyanf ingkang nglampahi kasebut[3].

Istilah otogizōshi ugi kaginakaken kanggé buku cerita dongeng ingkang sinerat kanthi gaya otogizōshi. Nara Ehon (buku mawi gambar saking Nara) menika sebatan kagem salinan otogizōshi ingkang dipunparingi tambahan ilustrasi [4].

Taun panyeratan[sunting | sunting sumber]

Buku cerita ingkang kagolong dhateng otogizōshi kirang langkung gunggungipun wonten langkung saking 400 irah-irahan [4], ananging kirang langkung namung 100 irah-irahan ingkang kathah dipunmangertosi tiyang. Cacahing irah-irahan ingkang mesti dèrèng dipunmangertosi. Kalih irah-irahan ingkang sami pikantuk cariyos ingkang béda, mekaten ugi sewalikipun. Sanajan buku lan cariyosipun sampun dipuntepangi wiwit zaman Muromachi, istilah "otogizōshi" nembé kaginakaken tiyang Jepang wiwit abad kaping 18. Pancetusipun menika toko buku Shibukawa Seiemon ing Osaka ingkang nerbitaken 23 irah-irahan kanthi isi cerita cekak mawi judul seri Otogi Bunko (Pustaka Dongeng) utawi Otogizōshi antawisipun taun 1716 lan 1736. Irah-irahan cariyos ingkang terbit menika Bunshōzōshi, Hachikazuki, Komachizōshi, Onzōshi Shimawatari, Karaitozōshi, Kohata Kitsune, Nanakusa-zōshi, Sarugenji-zōshi, Monogusa Tarō, Sazare ishi, Hamaguri no zōshi, Koatsumori, Nijūshikō, Bontenkoku, Nosezaru zōshi, Neko no sōshi, Hamaide, Izumi Shikibu, Issun Bōshi, Sakaki, Urashima Tarō, Shutendōji, lan Yokobuesōshi.

Isi[sunting | sunting sumber]

Cariyos wonten ing otogizōshi kathahipun dipunpendhet saking cariyos dongeng zaman kuno. Sanajan mekaten, sapérangan cariyos otogizōshi asalipun saking zaman ingkang langkung énggal, tuladhanipun cariyos Neko no sōshi saking wiwitan abad kaping 17. Kejawi menika, wosing cariyos Yokobue sōshi ugi kados wosing cariyos Hikayat Heike. Ing antawisipun cariyos dongeng Otogizōshi wonten cariyos Dōjōji Engi ingkang asring dados tema cariyos wonten ing kesenian tradisional Jepang (noh, kabuki, nihon buyo). Cariyos kagem laré ingkang kondhang dumugi samenika kados Issun Bōshi asalipun ugi sakingotogizōshi.

Kategori[sunting | sunting sumber]

Wonten ing ngandhap menika pangelompokan cariyos otogizōshi sarta tuladhanipun:

  • Cariyos kalangan bangsawan (kugemono)
Ko'ochikubo, Fuseya no Monogatari
  • Cariyos keagamaan lan asal-usul kuil (honjimono)
Bontengoku, Atagojizō Monogatari
  • Cariyos biksu (sōryomono)
Sannin Hōshi, Oyō no Ama
  • Cariyos kepahlawanan (bukemono)
Shutendōji, Benkei Monogatari
  • Cariyos tiyang biasa (shominmono)
Issun Bōshi, Monogusa Tarō
  • Cariyos saking luar negeri (gaikokumono)
Hamaguri sōshi, Nijūshikō.

Referensi[sunting | sunting sumber]

  1. ^ Sastra Jepang, (dipunakses tanggal 6 Februari 2013).
  2. ^ Reider, Noriko T. (2005). "Shuten Dōji: "Drunken Demon"". Asian Folklore Studies 64. http://www.nanzan-u.ac.jp/SHUBUNKEN/publications/afs/pdf/a1531.pdf.
  3. ^ Sanseidō kokugo jiten (Ed.3 ed.). Sanseidō. 1982. ISBN 4-385-13187-2.
  4. ^ a b "Nara ehon ni tsuite". Keio University HUMI Project. http://dbs.humi.keio.ac.jp/naraehon/about/index.html.

Pranala njawi[sunting | sunting sumber]


Cithakan:Jmyth navbox long

Sumber artikel punika saking kaca situs web: "http://jv.wikipedia.org/w/index.php?title=Otogizōshi&oldid=836594"