Thanatos

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Thanatos ingkang kagambaraken minangka priyantun ingkang kagungan swiwi, kapahat ing kuil Artemis

Thanatos (Basa Yunani: Θάνατος) inggih menika dewa kematian wonten ing mitologi Yunani. Thanatos menika ingkang mbeta mati kanthi tenang lan tentrem , kuwalikan kalihan sedherekipun Ker minangka ingkang mbeta Dia membawa mati kanthi cara ingkang rumaos gerah sanget [1]. Thanatos menika putra Niks lan Erebos ugi kagungan sedhèrek kembar anama Hipnos. Sedhèrèk sanèsipun inggih menika Geras (dewa masa tua), Oizis (dewa penderitaan), Moros (dewa ajal), Apate (dewi penipuan), Momos (dewa ejekan), Eris (dewi perselisihan), Nemesis (dewi pembalasan) lan Kharon [1] [2]. Thanatos asring dipungambaraken minangka priyantun ingkang gadhah swiwi .

Lelampahan Thanatos[sunting | sunting sumber]

Thanatos menika kalebet takdir ingkang boten saged ical kagem manungsa, ananging piyambakipun naté kalah déning Herakles. Ing sawijining dinten, Thanatos dipunkirim supados mendhet nyawa Alkestis, ingkang nawekaken gesangipun minangka gantosing gesang garwanipun Alketis inggih menika Raja Admetos saking Firai. Herakles menika tamu ing dalemipun Admetos kala menika, kanggé paring piwales awit saking saénipun Admetos saéngga Herakles nglawan Thanatos kanggé nyawanipun Alketis. Nalika Thanatos dugi saking dunia bawah kagem mbeta Alketis, Herakles medal lajeng ngalahaken sang dewa kematian. Alkestis kondur dhateng garwanipun déné Thanatos mlayu saking buruanipun. Herakles tarung malih kalihan Thanatos ing dunia bawah nalika nembé nglampahi tugas ingkang kaping kalih welas. Thanatos kalah malih, ananging Herakles lajeng paring pangapunten marang Thanatos awit saking panyuwunipun Persefone.

Thanatos dipunwastani minangka sosok ingkang boten gadhah welas asih lan boten pandang bulu, sengit lan dipunsengiti dèning para manungsa ugi para dewa. Ananging kadang kala Thanatos saged kapusan, lan Raja Sisifos saking Korintus nate nglampahi. Kala menika sampun dugi ing wekdalipun Sisifos seda, ananging Sisifos ngapusi Thanatos dumugi Thanatos boten saged menapa-napa. Menika damel boten wonten manungsa ingkang saged mati. Pungkasan Ares, dewa perang rumaos stres nalika ing medan tempur amargi boten wonten ingkang mati saking pihak kekalih ingkang nembé tempur. Ares lajeng damel Thanatos bebas lan maringaken ingkang nyulik Thanatos marang para dewa, ananging Sisifos saged lepat saking séda ingkang kaping kalih kanthi cara damel Persefone yakin supados ngonduraken balik marang garwanipun. Ananging sadèrèngipun, Sisifos lajeng dipuncekel malih lan dipunukum salawase ing Tartaros.

Cathetan suku[sunting | sunting sumber]

  1. ^ a b [1], (id) 5 Dewa kematian dari berbagai kepercayaan (dipunakses tanggal 30 Januari 2013).
  2. ^ [2], (id) 5 Dewa kematian (dipunakses tanggal 30 Januari 2013).

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Thanatos&oldid=836449"