Pondhok pesantrèn Tebu Ireng
 |
|
| Diadegaké | 1899 |
|---|---|
| Jinis | Pesantren |
| Afiliasi kaagamaan | Islam |
| Pengasuh | Ir. KH. Solahuddin Wahid (Gus Solah) |
| Lokasi |  Jombang, Jawa Timur |
| Situs wèb | pesantren.tebuireng.net |
Pesantren Tebu Ireng yaiku salah sawijining pondok pesantrèn kang gedhé ing Jombang, Jawa Timur. [1] Pesantrèn iki diadegké déning Kyai Hasyim Asy'ari nalika tahun 1899.[1] Kejaba pelajaran bab agama Islam, ilmu syariat, lan basa Arab, pelajaran umum uga kalebu ing struktur kurikulum pengajarané.[1] Pesantrèn Tebu Ireng wis akèh mènèhi konstribusi dan sumbangan karo masyarakat, kang utamané ing bab pendidikan Islam ing Indonesia.[1]
Bab lan Paragraf |
[sunting] Sejarah
Miturut cerita para warga, jeneng Tebu Ireng saka kebo ireng.[2] Miturut cariyosipun, nalika iku ana warga kang duwèni kebo kang duwèni kulit werna kuning (bulé atau albino).[2] ing sawijining dina, kebo kala wau ilang.[2] Sawisé digoleki sedina muput, banjur soréné nembe ketemu wis arep mati amarga kecebur rawa kang akèh lintahé.[2] Sekujur awaké kebak lintah, mula kang asalé kulité kuning dadi ireng.[2] Kedadèan kuwi gawe gègèr sing duwé kebo saha para warga ing kana banjur nggembor "kebo ireng...! kebo ireng...!".[2] Wiwit kuwi, dukuh panggon ilangé kebo mau dikenal kanti jeneng dukuh kebo ireng.[2] Nanging amarga ilaté wong jawa dukuh menika jenengé dados dukuh tebu ireng.[2]
Pesantren Tebu Ireng diadegké déning Kyai Hasyim Asy'ari nalika tahun 1899 M.[2] Nalika kuwi ing tahun 1899 Kyai Hasyim nembé kundur saking ibadah haji ning Makkah, Kyai Hasyim mundhut tanahé dalang ing dukuh Tebu Ireng kang jaraké kira-kira 200mèter saka pabrik gula cukir.[2] Ing dukuh kuwi Kyai Hasyim Asy'ari gawé omah saha gawé pondok kanggo para santriné.[2] Bagéyan ngarep digawé saka gedhèg, ruang kuwi digawé kanggo panggon mulang para santri saha shalat jama'ah.[2] Banjur ingkang bagéyan mburi digawé omah.[2] Nalika pisanan, jumlah santriné mung wolu, saha telung sasi mengarep santriné tambah dadi wolulikur.[2]
Wektu iki, Pesantrèn Tebu Ireng wus gedhe lan wus dadi pilihan para warga NU kanggo nyekolahaké anak-anaké.[2]
[sunting] Sistem Pandhidhikan
Lumantar lakuné wektu, santri ing Pesantrèn Tebu Ireng sangsaya akèh lan sangsaya manéka warna ragam budayanè.[3] Kepara nyata pesantrèn Tebu Ireng wus akèh ngrubah sistem pandhidhikané.[3] Kayata contone biyen kang ana mung Pandhidhikan bab Agama Islam lan Basa Arab, saiki wis ana pandhidhikan umum utawa pandhidhikan formal.[3] Ananging senajan wis akèh nrubah sistem pandhidhikané, Pesantrèn Tebu Ireng isih tetep nerapaké sistem kang lawas.[3] Dadi santri lulusan Pesantrén Tebu Ireng ora mung bisa lan paham babagan agama ananging uga paham babagan ilmu umum kang modèrn.[3]
[sunting] Unit Pandhidhikan
Tebu Ireng pancèn pesantrèn tradisonal, nanging kaya déné pesantrèn-pesantrèn modèrn kang ana Indonesia, Tebu ireng uga duwé unit pandhidhikan umum.[4] Ing Pesantrèn Tebu Ireng duwèni unit pandhidhikan cacahé lima yaiku:
- Ma'had Aly,
- MTs. Salafiyah Safi'iyah,
- SMP A.Wahid Hasyim,
- MA. Salafiyah Safi'iyah,
- SMA A.Wahid Hasyim.[4]
[sunting] Daftar Pengasuh
Ing lakuné sejarah, nganti saiki Pesantrèn Tebuireng wis ganti pengasuh nganti kaping 7 periode. [5] Periodisasi pengasuh pesantrèn Tebuireng:
- KH. Muhammad Hasyim Asy’ari : 1899 – 1947,
- KH. Abdul Wahid Hasyim : 1947 – 1950,
- KH. Abdul Karim Hasyim : 1950 – 1951,
- KH. Achmad Baidhawi : 1951 – 1952,
- KH. Abdul Kholik Hasyim : 1953 – 1965,
- KH. Muhammad Yusuf Hasyim : 1965 – 2006,
- KH. Solahuddin Wahid : 2006 - nganti saiki.[5]
