Tari Topeng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tari Topeng

Tari Topéng inggih punika tarian ingkang penarinipun ngagem topéng. Topéng sampun wonten ing Indonesia wiwit jaman pra-sejarah. Kanthi jembar dipunginakaken ing tari ingkang dados bagéyan saking upacara adat utawi panyariosan malih cariyos-cariyos kuna saking para leluhur. Dipunyakini bilih topeng gegayutan caket kaliyan roh-roh leluhur ingkang dipunanggep minangka interpretasi déwa-déwa. Ing manéka suku, topéng taksih pengias manéka kegiatan seni lan adat saben dintenipun.[1]

Cariyos klasik Ramayana lan cariyos Panji ingkang ngrembaka wiwit atusan taun kapengker dados inspirasi utama wonten ing penciptaan topeng ing Jawa. Topeng-topeng ing Jawa dipundamel saperlupementasan sendratari ingkang nyariosakken kisah-kisah klasik kasebut.[1]

Tari Topeng saged ngrujuk tumuju ing maneka bentuk kesenian:

Macam Tari Topeng[sunting | sunting sumber]

Topeng Dayak[sunting | sunting sumber]

Tari Topeng Dayak

Ing wilayah Pulo Kalimantan, suku Dayak migunakaken topeng ing Tari Hudog ingkang asring dipunmainaken ing upacara keagamaan saking kelompok suku Dayak Bahau lan Modang. Tari punika dipunmaksudaken kangge pikantuk kekiyatan kangge nglawan gangguan hama perusak taneman lan nyuwun dipunparingi kesuburan kanthi kasil panen ingkang kathah. Topeng ingkang dipunginakaken aerni pethak, cemeng, lan abrit ingkang nglambangaken kekiyatan alam ingkang badhe mbekta tirta lan nglindhungi taneman ingkang dipuntanem.[1]

Topeng Bali[sunting | sunting sumber]

Tari Topeng Bali

Kawontenan topeng ing masyarakat Bali gegayutan caket kaliyan upacara keagamaan Hindu,amargi kesenian luluh ing agama lan masyarakat. Tari Topeng Bali inggih punika minangka sawijining tradhisi ingkang kenthel kaliyan nuansa ritual magis, umumipun ingkang dipuntampilaken ing tengah masyarakat inggih punika seni ingkang dipunsakralaken. Tuah saking topeng ingkang merepresentasikan dewa-dewa dipunpitadosi saged nganugrahaken katentreman lan kaslametan.[2]

Topeng Cirebon[sunting | sunting sumber]

Tari Topeng Cirebon

Artikel utama kangge bageyan punika inggih Tari Topeng Cirebon

Tari Topeng Cirebon inggih punika kesenian tari topeng ingkang ngrembaka ing tlatah Cirebon, Jawa Barat.[2]

Topeng Malang[sunting | sunting sumber]

Tari Topeng Malang

Topeng Malang inggih punika kesenian tari topeng saking daerah Malang, Jawa Timur. Cariyos ingkang dipunbektakaken biasanipun saking cariyos Panji ingkang nyyariosaken kisah asmara Raden Panji Asmoro Bangun (Inu Kertapati) kaliyan Putri Sekartaji (Chandra Kirana).[2]

Topeng Reog[sunting | sunting sumber]

Tari Topeng Reog

Artikel utama kangge bageyan punika inggih Reog Ponorogo

Langkung lazim dipunsebut tari Reog Ponorogo, tari punika ugi ngagem topeng ingkang asalipun saking tlatah Ponorogo.[2]

Topeng Ireng[sunting | sunting sumber]

Tari Topeng Ireng

Artikel utama kangge bageyan punika inggih Topeng Ireng

Topeng Ireng inggih punik satunggaling bentuk tradisi seni pertunjukan ingang berasimilasi kaliyan budaya lokal Jawa Tengah. Topeng Ireng ingkang ugi dipunkenal minangka kesenian Dayakan punika minangka bentuk tarian rakyat kreasi enggal ingkang minangka asiling metamorfosis saking kesenian Kubro Siswo. [3]


Delengen Uga[sunting | sunting sumber]

Cathetan Suku[sunting | sunting sumber]

  1. ^ a b c [1]
  2. ^ a b c d [2]
  3. ^ [3]
Sumber artikel punika saking kaca situs web: "http://jv.wikipedia.org/w/index.php?title=Tari_Topeng&oldid=835570"