Taman Budaya Raden Saleh
Taman Budaya Raden Saleh utawi langkung misuwur kanthi aran TBRS inggih punika panceripun kagiyatan seni lan kabudayan ingkang dumunung wonten ing Kutha Semarang, Jawi Tengah. Gedhung punika dipunadegaken saperlu kanggé nyawisaken panggènan pagelaran seni, gladhèn, pangembangan seni, wawan rembag, pameran, dhokumentasi pakaryan para seniman. Ing salebetipun komplèks punika wonten gedhong utama, Gedhung Kesenian Ki Narto Sabdo, kantor pangemunah TBRS, gedhong serbaguna, lan kantor Dewan Kesenian Kota Semarang (Dekase). Kajawi punika, ugi wonten pendhapa awujud joglo.
Sajarah[besut | besut sumber]
Aran Taman Budaya Raden Saleh kapundhut saking salah satunggalipun juru sungging misuwur saking Indonésia inggih punika Raden Saleh Sjarif Boestaman. Komplèks ingkang wiyaripun 89.926 mèter lan dumunung wonten Jalan Sriwijaya Nomor 29 Kutha Semarang, Provinsi Jawa Tengah, Indonesia, punika rumiyin Raman Hiburan Rakyat ingkang nyawiji kaliyan Taman Kewan Tegalwareng ingkang sapunika sampun dipunlih wonten tlatah Mangkang. Perkawis punika ingkang ndadosaken TBRS taksih kathah wit-witan ageng lan ngrembuyung. Wondéné fasilitas ingkang kacawisaken wonten TBR antawisipun Gedhung Serbaguna, Gedhung Ki Narto Sabdo, kantor pangemunah TBRS, lan kantor Dewan Kesenian Semarang, lan pendhapa awujud joglo. Boten tebih saking TBR, saget kapirsan Gedhung Wanita lan Kapustakan Daerah Kutha Semarang[1]
Fasilitas[besut | besut sumber]
- Gedung Kesenian Ki Narto Sabdho
- Gedung Serba Guna
- Kantor Pengelola TBRS
- Kantor Dewan Kesenian Semarang (Dekase)
- Gallery Seni [2]
- Taman
Paméntasan seni[besut | besut sumber]
Werni-warni kagiyatan lan pagelaran seni-budaya dipun-cakaken ing Taman Budaya Raden Saleh. Gedhung Kesenian Ki Narto Sabdho asring dados sarana pagelaran wayang wong, wayang kulit, lan keroncong. Salah satunggalipun kelompok wayang wong ingkang taksih asring nggelar lakonipun inggih punika Ngesti Pandhawa, saben dinten Setu dalu.[3] Wondéné pagelaran keroncong déning Komunitas Keroncong ditindakaken saben dinten Rebo peken pungkasan saben wulanipun.
Ing taun 2015, medal wacana badhé dipun-gurusripun Taman Budaya Raden Saleh lan badhé dipunadegaken Trans Studio [4]. Wacana punika nglairaken kontroversi ing kalangan seniman Semarang. Nanging ing taun 2016, wacana wau sampun dipunbatalaken déning PT Trans Ritel Property, lan langkung milih wonten Ngayojakarta.[5]
Rujukan[besut | besut sumber]
- ↑ Jalan-jalan: Taman Budaya Raden Saleh Archived 2016-10-21 at the Wayback Machine., diakses pada 18 Oktober 2016
- ↑ Gladri Indonesia Kaya: Taman Budaya Raden Saleh, Pusat Kesenian Kota Semarang, diakses pada 18 Oktober 2016
- ↑ Hello Semarang: Inilah Pusat Kegiatan dan Pagelaran Budaya di Semarang, diakses pada 18 Oktober 2016
- ↑ Finance Detik: Inilah Calon Lokasi Trans Studio di Semarang, diakses pada 18 Oktober 2016
- ↑ Media Jateng: Trans Studio Batal Dibangun di Semarang Archived 2016-10-21 at the Wayback Machine., diakses pada 18 Oktober 2016
| Artikel iki minangka artikel rintisan. Kowé bisa ngéwangi Wikipédia ngembangaké. |