Sijobang
Sijobang ya iku génre sastra tutur Kabudayan Minangkabau kang ana ing Kabupatèn Lima Puluh Kota, Sumatra Kulon.[1] Sajeroning pagelaran sijobang dicaritakaké Kaba Anggun Nan Tungga Magek Jabang.[1] Génre iki diarani sijobang awit tembung jabang ing basa Minangkabo dhialèk Payakumbuh diwaca jobang.[1] Sijobang dilagokaké kanthi iringan thuthukan kothak korèk kang mung diisi saparo lan kecapi.[1] Panuturan Kaba Anggun Nan Tungga Magek Jabang saka lekas tekan rampung suwéné 7 dina.[1] Pageleran sijobang saiki wus ora dadi adicara panglipur manèh, déné tukang sijobang saya suda tur wis padha sepuh.[1]