Seoul Munmyo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Seoul Munmyo
Hangeul 서울 문묘
Hanja 서울 文廟
Alih Aksara sing disampurnakaké Seoul Munmyo
McCune–Reischauer Sŏul Munmyo

Seoul Munmyo menika satunggaling kuil ingkang mapan wonten ing Seoul, Korea Selatan [1]. Seoul Munmyo menika jumeneng nalika zaman Dinasti Joseon ing taun 1398 lan kalebet kuil Konfusius paling tua ing Korea. Kuil ingkang mapan wonten ing kompleks Universitas Sungkyunkwan ugi kalebet akademi Konfusius paling tua ing Korea menika dipunlestantunaken déning Pamaréntah Korea Selatan minangka Situs Bersejarah nomor 143 [2][3].

Sejarah[sunting | sunting sumber]

Universitas Sungkyunkwan minangka kompleks Seoul Munmyo

Seoul Munmyo menika Munmyo kapisan ingkang jumeneng nalika masa Dinasti Joseon. Munmyo utawi Kongmyo (Hanzi:文廟/孔廟 Wen Miao utawi Kong Miao ing Basa Cina) kalebet kuil ingkang dipunbangun déning para penganut Konfusianisme minangka pakurmatan dhateng Konfusius lan para pendhèrèkipun .[4]. Sasampunipun madegipun Seoul Munmyo, kathah Munmyo sanèsipun ingkang dipunbangun ing Korea kanggé miyaraken piwulangan lan pendidikan babagan Konfusianisme.

Pembangunan kuil Seoul Munmyo wiwit dipunrencanakaken nalika taun 1304 awit saking prakarsanipun ilmuwan An Hyang (1243-1306) lan kapungkasan ing taun 1398 ing taun kaping 7 masa pamarentahan Raja Taejo. Sasampunipun perangan bangunan utama sanèsipun kapungkasan anggènipun damel konstruksi kados Astana Gyeongbok, Kuil Jongmyo, lan Altar Sajik.

Kuil Seoul Munmyo naté kobongan boten dangu sasampunipun pungkasan anggènipun mbangun inggih menika ing taun kaping 2 masa pamaréntahan Raja Jeongjong ing taun 1402. bibar menika dipunbangun malih ing taun 1407, taun kaping 7 Raja Taejong. Nalika masa pamaréntahan Raja Yeonsangun, kuil menika dados kandhang kewan lan papan hiburan. Ing masa pamaréntahan salajengipun inggih menika Raja Jungjong ngonduraken malih fungsi kuil menika kados purwanipun. Ananging risak malih amargi prastwa Perang Imjin ing taun 1592. Kala menika, boten namung kuil Seoul Munmyo kemawon ingkang risak sanget, ananging kathah bangunan utama ing ibukotakados Astana Gyeongbok lan Kuil Jongmyo. Nembe wonten ing taun 1606, ing taun kaping 39 masa pamaréntahan Raja Seonjo, Munmyo lan bangunan utama sanèsipun dipunrestorasi malih. Restorasi ageng dhateng arsitektur Kuil Seoul Munmyo dipunlajengaken malih ing taun 1869, taun kaping 6 pamaréntahan Raja Gojong.

Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Seoul_Munmyo&oldid=836257"