Satrio Budihardjo Joedono

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Satrio Budihardjo Joedono
Satrio Budihardjo Joedono

Mangsa jabatan
17 Maret 1993 – 6 Desember 1995
Pejabat sadurungé Arifin Siregar
Pengganti Tungki Ariwibowo

Lair 1 Desember 1940
Flag of the Netherlands Pangkalpinang, Bangka,

Hindia Belanda

Kabangsan Indonésia
Agama Islam

Satrio "Billy" Budihardjo Joedono (lair ing Pangkalpinang, Bangka, 1 Desember 1940; umur 74 taun) inggih menika satunggalipun politikus Indonésia.[1] Panjenenganipun naté njabat dados Mentri Perdagangan ing Kabinèt Pembangunan VI periodhé (1993-1998) saderengipun Dhepartemén Perdagangan dipundadosaken setunggal kaliyan Dhepartemén Perindhustrian dados Dhepartemén Perindustrian dan Perdagangan (Depperindag) dening presidhen Soeharto nalika taun 1996.[1] Panjenenganipun naté njabat dados Ketua Badan Pamariksa Kauangan (BPK) periodhé 1998-2003.[1]

Budihardjo Joedono menika salah satunggalipun tilas Guru Ageng Fakultas Ekonomi Universitas Indonésia, tilas pelaku manajemen, mliginipun manajemen pamaréntahan.[2] Panjenenganipun lulus sarjana saking Fakultas Ekonomi UI kanthi konsentrasi ekonomi perusahaan (1963), nglajengaken dhateng University of Pittsburgh lan pikantuk gelar Master of Public Administration (1966), lan gelar Doctor of Public Administration ing State University of New York at Albany (1971).[2] Panjenenganipun dados pegawé negeri sipil minangka asistén dosen ing FEUI nalika taun 1963 ngantos dados Guru Ageng ing mata kuliyah Téori Organisasi nalika taun 1987 lan anggota senat lan senat Guru Ageng FEUI (1987-1994), anggota komisi D Senat lan anggota Senat Dewan Guru Ageng UI (1987-2000), anggota Dewan Guru Ageng FEUI lan anggota Komisi B Dewan Guru Ageng UI (2000-2006) ngantos dumugi pensiun ing taun 2006.[2] Sasmapunipun pensiun, panjenenganipun tetep mucal ing Dhepartemen Manajemén Fakultas Ekonomi.[2]

Cathetan Suku[sunting | sunting sumber]

  1. ^ a b c (id)Satrio Budihardjo dipunundhuh tanggal 6 Oktober 2011)
  2. ^ a b c d (id)Prof. Dr. Satrio Budihardjo Joedono dipunundhuh tanggal 6 Oktober 2011)

Pranala Njawi[sunting | sunting sumber]

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.