Samaratungga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Candhi Borobudhur ingkang dipunbangun ing jaman Samaratungga

Sri Maharaja Samarotungga utawi ingkang asring dipun serat kanthi seratan Samaratungga inggih punika raja saking Kerajaan Medang saking Wangsa Syailendra ingkang jumeneng nata ing taun 792 - 835. [1] Nalika jumeneng natanipun, Samaratungga langkung nengenaken anggènipun ngrembakakaken agama saha budaya. Ing taun 825, Samaratungga saged ngrampungaken asiling cipta Candhi Barabudhur ingkang sak punika kalebet salah satunggaling keajaiban dunya. Kangge ngiyataken aliansi ing antawisipun wangsa Syailendra, Samaratungga lajeng nikah kaliyan Dewi Tara, putrinipun Dharmestu. Saking asiling nikah, lajeg saged nurunaken putranipun minangka raja salajengipun inggih punika Balaputradewa saha Pramodhawardhani ingkang lajeng nikah kaliyan Rakai Pikatan, putranipun Sri Maharaja Rakai Garung, raja kaping gangsal saking Kerajaan Medang.[2]

Prasasti Kayumwungan[sunting | sunting sumber]

Namaniipun Samaratungga punika saged dipun mangertos saking Prasasti Kayumwungan utawi Prasasti Karangtengah ingkang dipun serat ing tanggal 26 Mei 824. Wonten ing prasasti kasebat dipun andharaken bilih Samaratungga punika gadhah putri ingkang dipun paringi nama Pramodhawardhani ingkang ngresmèkaken satunggaling jinalaya ingkang èndah sanget. Prasasti punika dipun angge gadhah gegayutan kaliyan dipun bangunipun Candhi Borobudhur. Prasasti Kayumwungun kaperang dados kalih bagéyan. Bageyan ingkang kaping pisan inggih mawi Basa Sansekerta ingkang wosipun ingkang sampun dipun andharaken ing nginggil kasebat. DEene bageyan ingkang kaping kalih inggih kaserat mawi basa Jawa Kuno ingkang dipun wedalaken dening Rakai Patapan Mpu Palar ingkang sampun paring hadiah dhateng saperangan desa minangka sima swatantra ingkang ugi ndherek ngrawat candhi Jinalaya kasebat.

Masa Pamarentahanipun[sunting | sunting sumber]

Miturut teorinipun Slamet Muljana bilih Samaratungga punika identik kaliyan Rakai Garung, ingkang saged jumeneng nata ing Kerajaan Medang saderengipun taun 819 (punika miturut Prasasti Pengging). Candhi Borobudhur dipun resmekaken dening Pramodhawardhani, sang putri mahkota (miturut Prasasti Kayuwungan) ing taun 824. Lan ing taun punika Samaratungga dipun anggep taksih sugeng. Lajeng miturut Prasasti Kahulunan ing taun 824 dipun sebataken tokoh Sri Kahulunan ingkang sampun netepaken saperangan desa minangka dhaerah perdikan kangge ngrawat Kamulan Bhumisambhara (jeneng asli Candhi Borobudhur). Wonten kalih tapsir tokoh Sri Kahulunan punika, inggih punika permaisuri utawi ibu suri. Wonten ing prasasti punika boten dipun sebataken malih jeneng Samaratungga, saengga dipun anggep ing taun punika Samaratungga sampun seda. Ing taun punika dipun anggep masa pamarentahanipun Rakai Pikatan. Menawi Sri Kahulunan ateges permaisuri mila punika inggih Pramodawardhani. Ananging menawi ingkang dipun maksud Sri Kahulunan punika ibu suri, mila punika ateges permaisuri Samaratungga. Dados, saking sedaya analisis asiling panaliten, dangunipun masa pamarentahan Samaratungga dipun anggep saderengipun taun 819 ngantos saderengipun taun 842.

Delengen Uga[sunting | sunting sumber]

Cathetan Suku[sunting | sunting sumber]

  1. ^ (id)[[1]] Samaratungga (dipunundhuh tanggal 16 Januari 2013)
  2. ^ Munoz, Paul Michel (2006). Early Kingdoms of the Indonesian Archipelago and the Malay Peninsula. Singapore: Editions Didier Millet. pp. pages 171. ISBN 981-4155-67-5.


Didhisiki déning:
Dharanindra
Raja Mataram Syailéndra
(teori Bosch)
812 – 833
Diganti déning:
Pramodawardhani
Didhisiki déning:
Rakai Warak
Raja Mataram Kuna, setunggal wangsa kemawon
(teori Slamet Muljana)
?819 – 842?
Diganti déning:
Rakai Pikatan
Sumber artikel punika saking kaca situs web: "http://jv.wikipedia.org/w/index.php?title=Samaratungga&oldid=880670"