Rompi Anti Peluru

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rompi Anti Peluru

Rompi Anti Peluru utawa rompi tahan peluru yaiku salah sawijining sandhangan kang bisa ngaubi panganggone saka bahayane pistol kang ngganggo proyektil lan saka pecahan peluru sing mbledhos kang sengaja dikenakake marang awak.[1] Rompi kasebut kagawe saka serat kang ditenun utawa dilaminasi lan digawe lapis-lapis akeh supaya bisa ngaubi panganggone saka pistol kaliber kang cilik lan senapan proyektil, sarta fragmen cilik saka bahan peledak kaya granat tangan.[2] Bahan logam utawa kramik bisa digunakake kanggo nggawe rompi kasebut, bisa ngewenehi tambahan pangauban saka lakune peluru kang diarahake marang awak lan bahan logam utawa lapisan serat anyaman kang rapet bisa ngewenehi ketahanan kaya-kaya sandhangan wesi lemes kang ora bisa mempan ditusuk lan disuwek karo ladhing. [1]Rompi iki biasane digunakake dening pasukan polisi, warga negara, penjaga keamanan lan pengawal.[1] Sandhangan pangaub kang modern bisa nggabungake antawise rompi anti peluru kalian bahan liyane saka sandhangan pangaub, kaya ditambahi helm tempur.[2] Panganggone rompi ditujokake kanggo militer lan polisi uga bisa kelebu petugas penjinak bom kang dijangkepi karo sandhangan wesi abot lan helm wajah sarta panguban balung geger.[2]

Sujarah[sunting | sunting sumber]

Sadawane sujarah ing donya iki manungsa wis nggunakake aneka warna jinisi bahan kanggo ngubi awake ing perang utawa kahanan kang bahaya.[1] Sandhangan pangaub lan tameng kang pisanan digawe saka kulit kewan.[1] Rikala pradaban manungsa saya maju, tameng kayu wiwit digunakake.[1] Banjur, logam uga digunakake mawa perisa awak kang diarani sandhangan zirah.[1] Nanging ditemokake senjata api kira-kira 1500 nggawe tameng logam ora patia ngaubi meneh.[1] Mula manungsa nggawe panemunan meneh nganti mentune sandhangan-sandhangan pangaub kang luwih tahan ngadepi mbledhose sanjata api.[1]

Soft Body Armor[sunting | sunting sumber]

Rikala abad pertengahan Jepang kacathet mawa salah sawijining panganggo pangaub awak kang bahane lemes kagawe saka sutera.[1] Nyedaki pungkasane abad kaping 19, militer Amerika Serikat ngadakake panaliten nggunakake pangaub awak kang kagawe saka sutera.[1] Proyek kasebut pikantuk sorotan saka kongres sawise Presiden William McKinley seda tahun 1901 amerga ditembak.[1] Asil saka panaliten iku, jebul sutera bisa ngaubi awak saka peluru kang alon kira-kira bantere mung 400 kaki per detik, sandhangan kaya ngene iki jebul ora bisa ngaubi awak saka amunisi anyar kang bantere bisa luwih saka 600 kaki per detik.[1] Sandhangan pangaub kang kagawe saka sutera iku jarene uga digunakake dening Archduke Francis Ferdinand rikala seda amerga sirahe di tembak.[1]

Cathetan Suku[sunting | sunting sumber]

  1. ^ a b c d e f g h i j k l m n (id)teknologi baju anti peluru (dipunundhuh tanggal 21 Desember 2012)
  2. ^ a b c (id)Beginilah Baju anti peluru dibuat (dipunundhuh tanggal 21 Desember 2012)
Sumber artikel punika saking kaca situs web: "http://jv.wikipedia.org/w/index.php?title=Rompi_Anti_Peluru&oldid=835698"