Protoplanèt

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
4 Vesta, sawijining protoplanèt sing isih urip.

Protoplanèt iku planèt kanthi ukuran kayadéné rembulan, utawa embrio planèt sing ukurané luwih gedhé, sing ana jroning cakram protoplanèt. Dhèwèké dianggep kabentuk saka planètisimal kanthi ukuran sapérangan kilometer, sing sacara gravitasi silih tarik lan tabrakan. Miturut téori pambentukan planèt, orbit-orbit protoplanèt sithik silih potong antarané siji lan liyané saéngga dumadi tabrakan kanthi dhampak gedhé lan sabanjuré sacara matahap mbentuk planèt-planèt sing dhominan.

Jroning kasus Tata Surya, diprakirakaké yèn tabrakan antar planètisimal nyiptakaké sapérangan atus embrio planèt. Embrio kasebut mèmper karo Pluto, kanthi massa watara 1022 tekan 1023 kg lan dhiameter sapérangan èwu kilometer. Sakwéné watara 100 Ma dhèwèké kalibat tabrakan kanthi dhampak gedhé antarané siji lan liyané. Kedadéyan sing cetha ngenani kepriyé embrio-embrio planèt silih tabrakan kanggo mbentuk planèt ora dikawruhi, nanging diprakirakaké yèn tabrakan awal bakal gawé embrio "generasi" pisanan digantèkaké déning embrio generasi kaloro, sing gunggungé luwih sithik nanging ukurané luwih gedhé. Ing gilirané tabrakan sabanjuré bakal nyiptakaké generasi katelu sing luwih sithik manèh nanging kanthi ukuran luwih gedhé saka embrio sadurungé. Akiré mung bakal katinggal saglintir embrio sing kasisa, sing banjur silih tabrakan lan akiré mbentuk kumpulan planèt-planèt sing sabeneré.

Sumber artikel punika saking kaca situs web: "http://jv.wikipedia.org/w/index.php?title=Protoplanèt&oldid=833872"