Pelécéhan sèksual

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Pelécéhan sèksual yaiku tindak-tanduk pendekatan-pendekatan kang ana gegayutane karo seks kang ora dikarepake, kalebu panjalukan kanggo nindakake seks, lan tindak tanduk liyane kang sacara verbal utawa fisik ngrujuk ing seks.

Pelecehan seksual bisa kedadeyan ing ngendi wae, tuladhane ing papan panggonan umum kayata bis, pasar, sekolah, kantor, lan ing papan panggonan kang asifat pribadhi kayata omah.

Ing kedadeyan pelecehan seksual biyasane ana 10 persen tetembungan pelecehan, 10 persen intonasi kang nuduhake pelecehan, lan 80 persen non verbal.

Pelaku lan korban[sunting | sunting sumber]

Senajan sacara umum wong wadon kerep entuk sorotan minangka korban pelecehan seksual, nanging pelecehan seksual bisa dialami sapa wae. Korban pelecehan seksual bisa wong lanang utawa wong wadon. Korban uga bisa lawan jinis saka pelaku pelecehan utawa kanthi jinis kelamin kang padha.

  • Pelaku pelecehan seksual bisa sapa wae, ora deleng jinis kelamin, umur, pendhidhikan, nilei-nile budhaya, nile-nile agama, warga negara, latar belakang, lan status sosial.
  • Korban saka tindak-tanduk pelecehan seksual dikongkon supaya nyathet saben kedadeyan kalebu identitas pelaku, lokasi, wektu, panggonan, seksi lan prilaku kang ditindakake dianggep ora nyenengake. Sarta nglaporake ing pihak kang duweni wewenang.
  • Saksi bisa dadi sawijing wong kang krungu utawa deleng kedadeyan utawa sawining wong kang diinformasekake ngenani kedadeyan nalika kedadeyan mau kelakon. Korban uga dikongkon supaya nuduhake tindak-tanduke kang ora seneng pelecehan seksual.

Pelecehan seksual ing kantor[sunting | sunting sumber]

Pelecehan seksual ing kantor menawa bisa kedadeyan nalika:

  1. Kaputusan ngenani kepegaweyan individu tertamtu digawe amarga individu mau nindakake utawa nolak pendekatan-pendekatan seksual ing gaweyane. Keputusan-keputusan kepegaweyan tuladhane kang ana gegayutane karo promosi, penghargaan, pelatihan, lan keuntungan-keuntungan liyane.
  2. Panolakan ngenani pendekatan seksual kang sacara ora masuk akal mrabawani panilenan pekerjaan individu utawa nyiptakake lingkungan kerja kang ngintimidasi, kasar, utawa kebak tekanan liyane.

Macem-macem tindak-tanduk kang digolongake ing pelecehan seksual ing kantor[sunting | sunting sumber]

  • Lelucon seks, nggoda sacara terus-terusan ngenani babagan kang ana gegayutane karo seks kanthi sacara langsung utawa lumantar media kayata surat, SMS, utawa surat-e.
  • Panyiksan sacara verbal ngenani babagan kang ana gegayutane karo seks.
  • Nyekel kanthi ancas seksual.
  • Sacara bola-bali ngadek cedhak banget utawa nganti sesenggolan badhan.
  • Sacara bola-bali ngongkon sawijining wong supaya sosialisasi ing njaba jam kantor senajan wong kang dkongkon wis kandha yen ora gelem.
  • Menehi paweweh utawa ninggalake barang-barang kang bisa ngrujuk ing seks.
  • Sacara bola-bali nuduhake tindak-tanduk kang ngarah ing hasrat seksual.
  • Anggawe utawa ngirimake gambar-gambar, kartun, utawa material liyane kang ana gegayutane karo seks lan yen dirasakake nglanggar etika/ batas.
  • Ing njaba jam kerja meksa kanthi ajakan-ajakan kang ana gegayutane karo seks kang ana ing lingkup gaweyan.

Pencegahan[sunting | sunting sumber]

Sacara umum apike pegawe ngindari lelungan ijèn lan ora nyambut gawe lembur dhewekan ing wayah bengi. Yen ana keperluan ing jaba jam kantor. Senajan ora ana jaminan yen sesandhangan katutup bakal aman saka tindak-tanduk pelecehan seksual, nanging kode etik sesandhangan sacara profesional lan tindak-tanduk kang profesional ing kantor dikongkon supaya ngindari kedadeyan kang ora dikarepake.

Wewacan[sunting | sunting sumber]

  • Sorenson, Susan B. (1997). Violence and Sexual Abuse at Home: Current Issues in Spousal Battering and Child Maltreatment, New York: Haworth Press. ISBN 1-56024-681-2.
  • Leigh Ann Reynolds. "People with Mental Retardation & Sexual Abuse. The Arc Q & A", Arc National Headquarters, 1997
  • Baladerian, N. (1991). "Sexual abuse of people with developmental disabilities". Sexuality and Disability 9 (4): 323–335. doi:10.1007/BF01102020.
  • Sobsey, D.(1994). Violence and Abuse in the Lives of People With Disabilities: The End of Silent Acceptance? Baltimore: Paul H. Brookes Publishing Co. ISBN 978-1-55766-148-7
  • Sobsey D. and Varnhagen, C.(1989). "Sexual abuse and exploitation of people with disabilities: Toward Prevention and Treatment". In M. Csapo and L. Gougen (Eds) Special Education Across Canada (pp. 199–218). Vancouver Centre for Human Developmental Research
  • Valenti-Hien, D. and Schwartz, L.(1995). "The sexual abuse interview for those with developmental disabilities". James Stanfield Company, Santa Barbara: California.
  • White-Davis, Donna Lovers in the Time of Plague copyright 2009

Pranala jaba[sunting | sunting sumber]