Meester in de Rechten

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Meester in de Rechten (dicekak Mr.) iku sawijining sesebutan sing digayuh sawisé sadéngah wong ngrampungaké pasinaon jroning èlmu hukum ing sawijining universitas sing mganut sistem ing Walanda lan Belgia. Jroning basa Walanda, sesebutan iki maknané "Magister jroning èlmu hukum". Jroning praktèk sadina-dina sesebutan iki biasa dicekak dadi Meester, kaya contoné "Meester Moh. Yamin" utawa "Meester Cornelis". Panulisan sesebutan iki biasa dicekak dadi Mr. lan ditulis ing sangarepé jeneng.

Ing Walanda lan ing Indonésia, nalika sistem pendhidhikan isih diprebawani déning sistem Walanda, sesebutan "Mr." iki setara karo gelar S-2 (magister), kaya contoné sesebutan MA jroning èlmu Hukum (LLM) ing negara-negara abasa Inggris.

Ing Indonésia sawisé jaman kamardikan, sesebutan iki diganti dadi Sarjana Hukum sing kurang luwih bisa dianggep minangka terjemahan bébas sesebutan jroning basa Walanda iki. Bédané ya iku ing Indonésia, sesebutan iki ditulis sawisé panulisan jeneng, lan drajadé mudhun dadi sesebutan S-1.

Tokoh nasional[sunting | sunting sumber]

Sawetara tokoh nasional Indonésia sing anduwèni sesebutan iki, antara liya: