Matsuo Basho

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Matsuo Basho

Matsuo Munefusa, ugi dipunkenal minangka Matsuo Bashō (Basa Jepang: 松尾芭蕉, 1644 - 28 November 1694) punika satunggiling panyair Jepang. Panjenenganipun dipunkenal minangka panganggit haiku paling ageng, inggih punika wangun puisi ing 5-7-5 suku kata. Miturut budaya sastra Jepang, panjenenganipun dipunundang Basho tanpa asma marganipun, amargi tapak asmanipun minangka panyair mboten numutaken asma marganipun. Tapak asma ingkang penjenengan serateken はせを. Panjenenganipun ugi arupi satunggiling panulis paling ageng ing era Edo, lan panjenenganipun ngangkat wangun haiku nuju tingkat paling inggil.

Basho miyos ing Iga, ingkang sapuniki bagéyan saking prefektur Mie, ing kulawarga samurai. Sasampunipun sapérangan taun nglampahi gesang samurai, panjenenganipun manggihi sastra minangka pakaryan gesangipun lan ngeculaken karièripun minangka samurai. Panjenenganipun miwiti gesangipun minangka panyair nalika panjenenganipun ngabdi ing bendaranipun minangka samurai. Awalipun panjenenganipun maringi asma dhirinipun piyambak Tiseu (桃青) amargi minangka panyair Tosei kagungan makna pir mboten mateng, pir ing biru. Puniki pangormatan Basho kanggé panyair Tionghoa, Li Po (李白) ingkang asmanipun ateges plum ing pethak.

Ing taun 1666 piyambakipun pensiun lan sasampunipun taun 1675 pindhah ing Edo, ingkang sapunika Tokyo. Ing Edo taun 1678 panjenenganipun njangkepi kualifikasi minangka master Haiku (Sosho) lan miwiti gesang minangka panyair profesional. Ing taun 1680 panjenenganipun pindhah ing Fukagawa, ing pinggiran kitha Edo (sapuniki bagéyan saking Tokyo). Panjenenganipun nanem wit basho lan maringi asma piyambakipun Basho amargi wit punika wit favoritipun ing tamanipun.

Pranala njawi[sunting | sunting sumber]

Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "http://jv.wikipedia.org/w/index.php?title=Matsuo_Basho&oldid=870671"