Mèru

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lukisan gunung Meru adhedhasar kosmologi Jainisme saking naskah Jain Samghayanarayana
Thanka Bhutan Gunung Meru lan Semesta wonten ing agama Budda, abad ke-19, Trongsa, Bhutan.

Gunung Meru (Basa Sangskreta: मेरु) (ugi dipunsebut Sumeru ingkang ateges "Meru Agung") inggih punika gunung suci wonten ing kosmologi Hindu lan kosmologi Buddha sarta kosmologi Jain, lan dipunanggep minangka pusat alam semesta, kanthi fisik punapa déné metafisik spiritual. Gunung punika minangka papan dunungipun para déwa, utamanipun déwa Brahma lan Dewata sanèsipun.

Dipunsebutaken bilih gunung punika inggilipun 84.000 Yojana (sakitar 1,082 juta kilometer). Kathah kuil lan candhi Hindu lan Jain dipunbangun wonten ing bentuk simbolis kados gunung suci punika. Wonten ing kosmologi Buddha, gunung suci pusat jagat raya alam semesta dipunsebut Sumeru.

Lokasi[sunting | sunting sumber]

Wonten ing tradisi Hindu Gunung Meru jelas dipungambaraken wonten ing aspèk mitos, dipunsebutaken inggilipun 84.000 Yojana, lan Matahari sarta sapérangan planet wonten ing sistem tata surya sami nglilingi.

Geografis[sunting | sunting sumber]

Nemtokaken lokasi geografis Gunung Meru awrat sanget; amargi dipunsebutaken inggilipun ingkang luar biasa, sarta dipunsebutaken dipunklilingi déning samudra, katambah malih kanthi manéka kutipan ingkang nyebutaken matahari sesarengan kaliyan planet-planetipun nglilingi gunung punika. Bab punika ndadosaken pamadosan saking lokasi geografis gunung Meru awrat sanget kanggé para ilmuwan.[1][2]. Ananging sapérangan alit ilmuwan ngindéntifikasi gungung Meru utawi Sumeru kaliyan pegunungan Pamir, ing timurlaut Kashmir[3].

Kitab Suryasiddhanta nyebutaken bilih Gunung Meru dumunung wonten ing tengah donya ("bhugola-madhya") ing lemah Jambunada (Jambudwipa). Narpatijayacharyā, sawijining naskah ingkang asalipun saking abad ke-9 ingkang minangka bagéyan ingkang boten dipunterbitaken saking naskah Yāmala Tantra, nyebutaken "Sumeruḥ Prithvī-madhye shrūyate drishyate na tu" ('Su-meru dipunsebutaken mapan wonten ing tengah-tengah donya, ananging boten katingal dumunung wonten ing mrika')[4]. Vārāha Mihira, wonten ing Panch-siddhāntikā, ngakonii bilih Gunung Meru wonten ing Kutub Utara (éwadéné boten wonten gunung ing kutub utara). Suryasiddhānta, nyebutaken Gunung Meru wonten ing tengah Bumi, wonten ing antawising gunung Sumeru lan Kumeru ingkang sami-sami dumunung wonten ing kutub.

Inggil[sunting | sunting sumber]

Satunggal Yojana saged dipuntafsiraken kanthi ukuran sakitar 11,5 km éwadéné besaranipun pesthi éwah sareng wekdal ingkang gantos. Kados déné lingkar kliling bumi dipunsebutaken agengipun 3.200 Yojana miturut Vārāhamihira, sakedhik langkung alit saking Āryabhatiya, ananging dipunsebutaken agengipun antawis 5.026,5 Yojana ing Suryasiddhānta. Kitab Matsya Purana lan Bhāgvata Purāna sareng sapérangan naskah Hindu ingkang sanès kanthi konsisten nyebutaken ukuran inggilipun ingkang luar biasa agengk anggé Gunung Meru, inggih punika 84.000 Yojana ingkang ateges sakitar 1,082 juta kilometer.

Cathetan Suku[sunting | sunting sumber]

  1. ^ http://books.google.co.in/books?id=a91-t4uw8A4C&pg=PA271&lpg=PA271&dq=Meru+sun+planets+revolve&source=bl&ots=AtlS2P8sy-&sig=LhIN74cqSiq8Vb8ia5mEKVDSxwY&hl=en&ei=237YSqnyA5KCsgPNt82eBg&sa=X&oi=book_result&ct=result&resnum=3&ved=0CBAQ6AEwAg#v=onepage&q=Meru%20sun%20planets%20revolve&f=false
  2. ^ http://www.sacred-texts.com/hin/db/bk08ch15.htm
  3. ^ The Geopolitics of South Asia: From Early Empires to the Nuclear Age, 2003, p 16, Graham P. Chapman - Social Science; The Pamirs and the Source of the Oxus, p 15, George Nathaniel Curzon; The Hindu World: An Encyclopedic Survey of Hinduism, 1968, p 184, Benjamin Walker - Hinduism; Ancient Indian Tradition & Mythology: Purāṇas in Translation, 1969, p 56, Jagdish Lal Shastri, Arnold Kunst, G. P. Bhatt, Ganesh Vasudeo Tagare - Oriental literature; Journal of the K.R. Cama Oriental Institute, 1928, p 38, K.R. Cama Oriental Institute - Iranian philology; The Occult in Russian and Soviet Culture, 1997, p 175, Bernice Glatzer Rosenthal - History; Geographical Concepts in Ancient India, 1967, p 50, Bechan Dube - India; Geographical Data in the Early Purāṇas: A Critical Study, 1972, p 2, Dr M. R. Singh - India; Studies in the Proto-history of India, 1971, p 17, Dr Dvārakā Prasāda Miśra - India.
  4. ^ cf. ayat angka 2 saking Koorma-chakra saking kitab Narpatijayacharyā

Referensi[sunting | sunting sumber]

  • Narpatijayacharyā, commentary by Ganeshdatta Pathak, Cublished by Chowkhambha Sanskrit Sansthana, Varanasi, India, PIN-221001

Delengen Uga[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Mèru&oldid=882205"