Kashmir

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kashmir dipunpérang déning tigang negara: Pakistan (ijo), India (cokelat tua), lan Cina (Aksai Chin ing bagéyan timur laut)

Kashmir menika satunggaling wilayah ing lor sub-benua India. Istilah Kashmir ing sejarah menika dipungambaraken minangka satunggaling lembah ing kidul saking ujung paling kulon larikan Himalaya. Kanthi politik, istilah Kashmir menika dipunandharaken minangka wilayah ingkang langkung ageng kalebet wilayah Jammu, Kashmir, lan Ladakh [1].

Kashmir mapan wonten papan ingkang strategis sanget saéngga menawi dipungabung kaliyan faktor sanès ndadosaken alesan kenging menapa India manggeni dumugi samenika. Wilayahipun kathah paredèn lan wana-wana kebak padhusunan. Puncak-puncak dhuwuripun wonten ing 15.000 - 18.000 kaki ingkang wonten ing wilayah watesan. Awit saking menika puncak kasebat misahaken Lembah Pendudukan ( Occupied Valley ) saking Azad, Kashmir [1].

Kashmir kanggé 3 negara[sunting | sunting sumber]

Kashmir dipun-kuwasani kaliyan tigang negara inggih menika Pakistan, India, lan China. kashmir mapan wonten ing jantung Asia Tengah sisih kidul lan winatesan kaliyan Afganistan, Cina, India, lan Pakistan. Sekedhik bagéyan wilayah Kashmir ( Wakhan ) mèpèt kaliyan wilayah Tajikistan lan Uni Soviet. Kashmir dados salah satunggaling wilayah ingkang dados rebutan ingkang kondhang ing donya. Kathahipun peta damelan Barat nggambaraken wilayah menika kanthi garis bertitik kanggé maringi tandha watesan ingkang boten cetha. Wilayah Kashmir kanthi umum samenika dipunkuwasani lan dados sengkéta déning tigang negara inggih menika Pakistan ingkang ngontrol wilayah barat laut, India ingkang ngontrol tengah lan sisih kidul Jammu lan Kashmir, lan Republik Rakyat China ingkang nguwasani timur laut ( Aksai Chin )[1].

Pérangan Kashmir[sunting | sunting sumber]

Wiyaripun sedaya wilayah Kashmir inggih menika 85.700 mil ( 88.700 mil miturut Inggris ), ingkang 51% mlebet ing wilayah India, 33% ing pengawasan pamaréntah Pakistan, déné ingkang 11% mlebet ing pengawasan Cina, lan namung 5% ingkang mardika inggih menika wilayah Azad Kashmir [1].

Basa ingkang dipunginakaken ing Kashmir menika Basa Urdu ( Basa resmi kanthi teknik ) ing perangan dhaérah namung sekedhik ingkang ngginakaken Basa Inggris. Populasi muslim ing Kashmir paling kathah, inggih menika kirang langkung 80% muslim, 16% Hindhu, 4% Sikh, Budha, Kristen lan sanèsipun [1].

Ibukota Kashmir inggih menika Iqbalabad ( Srinagar ). Srinagar menika nama kala rumiyin utawi ibukota kuno Kashmir ingkang mapan wonten ing caketipun Tlaga Dal, satunggaling tlaga ingkang kawéntar amargi kanal, griya praunipun, lan Taman Mughal[1][2].

Cathetan suku[sunting | sunting sumber]

  1. ^ a b c d e f [1], (id) Lembah Kashmir surga dunia Asia Selatan (dipun-akses tanggal 07 Januari 2013).
  2. ^ [2], (id) Kashmir (dipun-akses tanggal 07 Januari 2013).
Sumber artikel punika saking kaca situs web: "http://jv.wikipedia.org/w/index.php?title=Kashmir&oldid=837738"