Lateks

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lateks lagi didèrès saka wit para.

Lateks yiku tlutuh kentél, mèh kaya susu, kang dikasilaké akèh wit-wita lan mbeku nalika kena angin bèbas. sakliyané wit-witan, pira-pira hifa jamur uga dingertèni isa ngasilaké cairan kenthél kaya lateks. Pada wit-witan, lateks diproduksi dening sel-sel kang mbentuk alah sijiné pembuluh déwé, disebut pembuluh lateks. Sel-sel iki ana ing sakiwo tengene pembuluh tapis (floem) lan duwe inti akih lan mroduksi butiran-butiran cilik lateks ing perangan sitosole. Menawa jaringan pembuluh sel iki mbukak, kayata merga keratin, bakale dadi proses pelepasan butiran-butiran iki nang pembuluh lan metu minangka getah kentel. Lateks iku ana perangane yaiku partikel karet lan bahan dudu karet (non-rubber) kang terdispersi ana ing banyu [1]. Lateks uga dadi satunggaling larutan koloid kanthi partikel karet lan dudu karet kang tersuspensi ing satunggaling media kang ngandhut macem-macem zat [2]. Ana ing lateks ngandhut 25-40% bahan karet menteh (crude rubber) lan 60-75% serum kang duweni perangan saka banyu lan zat kang kalarut. Bahan karet menthe ngandhut 90-95% karet murni, 2-3% protein, 1-2% asam lemak, 0.2% gula, 0.5% jinis uyah saka Na, K, Mg, Cn, Cu, Mn lan Fe. Partikel karet tersuspensi utawa nyebar sacara rata ana ing serum lateks kanthi ukuran 0.04-3.00 mikron kanthi bentuk partikel bunder nganti lonjong.[3].


Komponen Lateks[sunting | sunting sumber]

Komponen lateks.jpg

Lateks iku arupa emulsi kompleks kang ngandhut protein, alkaloid, pati, gula, (poli) terpena, lengo, tanin, resin, lan gom. Ana ing wit-witan lateks biasane warnane putih, ananging ana uga kang warnane kuning, jingga utawa abang. Susunan bahan lateks bias dipantha dadi rong komponen. Komponen wiwitan yaiku perngan kang mendispersikan utawa mancarake bahan-bahan kang kakandhut sacara rata kang kasebut serum. Bahan-bahan kang dudu karet kalarut ana ing banyu, kayata protein, uyah mineral, enzim lan liyane kalebu ana ing serum. Komponen kaping lara yaiku perangan kang didispersikan, kasusun saka butir-butir karet kang diubengi lapisan tipis protein. Bahan kang dudu karet kang jumlahe relatip cilik pranyata duweni peran wigati nalika ngendalikake kestabilan sipat lateks lan karete [4]. Lateks kuwi arupa suspense koloid saka banyu lan bahan-bahan kimia kang kakandhut ing sajerone. Perangan-perangan kang kakandhut kasebut ora larut sempurna, ananging kapencar sacara homogen utawa rata ing banyu [5]. Partikel karet ing lateks kasusun ora kajejer cepak, ananging saling ngadoh amarga asing-masing partikel duweni muatan listrik. Gaya tolak menolak muatan listrik iki nimbulake gerak brown. Ana ing lateks, isoprene dislimuti dening lapisan protein saengga partikel karet bermuatan listrik [6]

Komponen Lateks[sunting | sunting sumber]

Lateks kebun dadi gumpal utawa mbeku sacara alami ana ing wektu sawetara jam sawise dikumpulake. Penggumpalan alami utawa spontan bias kasebabake dening metune asam-asam amarga terruraine bahankaret kang ana ing lateks akibat aktivitas mikroorganisme. Babagan iku uga kang nyebabaken kenapa ta lump asil penggumpalan alami mambu bosok. Saliyane iku, penggumpalan uga disebabake dening metune anion saka asam lemak asil hidrolisis lipid kang ana ing lateks. Anion asam lemak iki saperngan gedhe bakal bereaksi kaliyn ion magnesium lan kalsium ing lateks kabentuk sabun kang ora larut, kalorone nyebabake ora mantepe lateks kang ing pungkasane bakal ddi pembekuan [7]..

Prakoagulasi yaiku pembekuan pendahuluan kang ora dipengini ngasilake lump utawa gumpalan-gumpalan ing cairan getah sadapan. Kedadean kaya ngene biasane kedean nalika lateks ana ing tangki nalika pengangkutan pinuju pabrik pengolahan. Hasil sadapan kang mengalami prakoagulasi amung isa diolah dadi karet kanti mutu endek kaya karet remah jenis SIR 10 lan SIR 20. Prakoagulasi isa kadadean amerga kemantapan bagiyan koloidal kang terkandung ing jero lateks berkurang akibat aktivitas bakteri, guncangan sarta suhu lingkungan kang terlalu tinggi. Bagiyan-bagiyan koloidal kang arupa partikel karet iki banjur nggumpal dadi siji lan mbentuk komponen kang ukurane luwih gedhe lan membeku. Kanggo nyegah prakoagulasi, pengawetan lateks kebun mutlak diperlokake, luwih-luwih yen jarak antarane kebon karo pabrik pengolahan rodok adoh. Zat kang digunakake minangka bahan pengawet disebut kanti zat antikoagulan. Syarat zat antikoagulan yaiku kudu duweni pH kang duwur utawa sipat basa. Ion OH- ing jero sipat zat antikoagulan bakal netralake ion H+ ing lateks, sahingga kestabilane isa tetep kajaga lan ora dadi penggumpalan. Ana pira-pira jenis zat antikoagulan kang umume digunakake dening perkebunan gedhe utawa perkebunan rakyat ing antrane yaiku amoniak, soda utawa natrium karbonat, formaldehida sarta natrium sulfit [8] Lateks para (Hevea brasiliensis) kang digaringake duweni distribusi bobot molekul kati rong puncak ing Mr 1.2xE+5 dan 2xE+6. Lateks para, biasa disebut karet, sakliyane ngandung senyawa kang disebut ing duwur uga ngandung politerpena kang khas kang nyebapake duweni sifat-sifat kang beda saka akehe lateks wit-witan liya. Lateks iki saiki isa uga digawe sacara sintetis dening polimerisasi salah siji monomer kang wis diemulsi dening surfaktan.

Cathetan Sikil[sunting | sunting sumber]

  1. ^ Balai Penelitian Perkebunan Sembawa. 1981. Penyadapan Tanaman Karet. Seri Pedoman No.1. Badan Peneliti dan Pengembangan Pertanian, Palembang.
  2. ^ Tim Penulis PS. 2005. Karet ; Strategi Pemasaran Budidaya dan Pengolahannya. Penebar Swadaya, Jakarta.
  3. ^ Triwijoso, Sri Utami. 1995. Pengetahuan Umum Tentang Karet Hevea. Dalam Kumpulan Makalah : In House Training, Pengolahan Lateks Pekat dan Karet Mentah. No : 1. Balai Penelitian Teknologi Karet Bogor, Bogor.
  4. ^ Triwijoso, Sri Utami. 1995. Pengetahuan Umum Tentang Karet Hevea. Dalam Kumpulan Makalah : In House Training, Pengolahan Lateks Pekat dan Karet Mentah. No : 1. Balai Penelitian Teknologi Karet Bogor, Bogor.
  5. ^ Tim Penulis PS. 2005. Karet ; Strategi Pemasaran Budidaya dan Pengolahannya. Penebar Swadaya, Jakarta.
  6. ^ Zuhra, Cut Fatima. 2006. Karet. Karya Tulis Ilmiah. Departemen Kimia Fakultas Matematika dan Ilmu Pengetahuan Alam. Universitas Sumatera Utara. Medan.
  7. ^ Triwijoso, Sri Utami dan Oerip, Siswantoro. 1989. Pedoman Teknis Pengawetan Dan Pemekatan Lateks Hevea. Balai Penelitian Perkebunan Bogor, Bogor.
  8. ^ Tim Penulis PS. 2005. Karet ; Strategi Pemasaran Budidaya dan Pengolahannya. Penebar Swadaya, Jakarta.

Deleng Uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Lateks&oldid=868999"