Kutang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar wong wadon nganggo kutang

Kutang yaiku sandhangan njero kang dianggo dening wong wadon.[1] Kutang ing basa Indonesia diarani beha utawa bra. Beha utawa kang luwih kerep disingkat dadi BH yaiku singkatan saka basa Walanda, yaiku Buste Houder, kang langsung ngresep ing basa Indonesia mung singkatane.[1] Aran kang misuwur yaiku kutang, nanging tembung bra saiki wiwit nggeser tembung beha, tembung kang asale saka basa Prancis, brassiere lan ditampa ing basa Indonesia saka nasa Inggris.[1]

Fungsi[sunting | sunting sumber]

Kutang duweni fungsi kanggo nyecah payudara dadi kendhur, njaga ben ajeg kenceng lan nutupi payudara iku dhewe.[2] Saiki, alah ana produk kutang kang bisa nambah fungsi kutang yaiku kanggo nggedhekake lan ngencengake payudara panganggone.[2] Sakliyane kuwi uga ana kang bisa ndhandhani struktur payudara.[2] Kutang uga njaga supaya jaringan lemak payudara ora nyebar nang endi-endi utamane menyang weteng masalahe yen ora awak bakal katon saya lemu.[2]

Babagan Kasarasan[sunting | sunting sumber]

Akeh wog wadon kang ora sadar yen nganggo kutang kang ora trep ngakibatake pegel-pegel ing gegere, wong wadon ngirane iki pratandha masuk angin nanging asline pratandha yen wong wadon kuwi kena lara geger.[3] Tandhane prenyakit iki krasa yen ana rasa nyeri utawa pegel ing geger amerga nyerange saraf geger.[2] Prenyakit iki bisa kedadean yen wong wadon salah nganggo kutang kang ukurane ora trep. Yen saya suwe tetep dijarke lan ora gek cepet-cepet ditambani ora mung gegere sing pegel anging malah ana kasus kang paling parah nganti kudu dioprasi.[2] Mitos kang ana ing masarakat yen nganggo kutang pas turu bisa ndadekake payudara saya gedhe ora bener.[3] Wayahe turu, apike kutang dicopot amerga otot, kelenjar lan organ penting ing payudara uga butuh wektu kanggo istirahat, iki penting banget apa meneh kanggo wong wadon kang aweane akeh ning njaba omah.[3]

Ukuran kutang saben wong wadon beda-beda. Kanggo wong wadon kang duwe ukuran payudara kang gedhe bisa nganggo kutang kang ana kawate lan busa sing ukuran cup B/C, iki gunane kanggo nyegah mbungkuk kang biasane kedadean karo wong wadon kang duwe payudara gedhe.[3] Yen wong wadon ora nganggo kutang kang trep, kutang kasebut ora bakal mampu kerja kaya samestine.[3] Apike miliha kutang kang paling trep karo ukuran payudara, utamane kanggo wong wadon kang nyusoni.[3]

Cathetan Suku[sunting | sunting sumber]

  1. ^ a b c (id)Sejarah BH (dipunundhuh tanggal 19 Desember 2012)
  2. ^ a b c d e f (id)Tabloid NOVA (dipunundhuh tanggal 19 Desember 2012)
  3. ^ a b c d e f (id)cara memakai bra dengan benar (dipunundhuh tanggal 19 Desember 2012)
Sumber artikel punika saking kaca situs web: "http://jv.wikipedia.org/w/index.php?title=Kutang&oldid=835606"