Kreteg Suramadu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jembatan Suramadu
Jembatan Suramadu
Paresmèn tgl 10 Juni 2009
Dawa total 5.438 metres (17,841 ft)
Lebar 30 metres (98 ft)
Dhuwur 146 metres (479 ft)
Tanggal pambukaan 10 Juni 2009
Tol Rp 35,000[1]
Koordinat 7°11′3″S 112°46′48″E / 7.18417°S 112.78°E / -7.18417; 112.78Koordinat: 7°11′3″S 112°46′48″E / 7.18417°S 112.78°E / -7.18417; 112.78

Kreteg Suramadu iku jeneng kreteg sing nggandhèngaké Surabaya, Jawa karo Bangkalan, Madura. Kreteg iki wis suwé direncanakaké lan dibangun. Kreteg iki rampung dibangun ing taun 2009, lan diresmèkaké déning Presiden RI Susilo Bambang Yudhoyono ing tanggal 10 Juni 2009. Kreteg sing dawané 5,4 kilomèter iki dadi kreteg sing dawa dhéwé ing Indonesia. Jeneng Suramadu iku cekakan saka Surabaya lan Madura.

Konstruksi[sunting | sunting sumber]

Kreteg Suramadu iku gabungan saka telung jinis kreteg sing dawané 5.438 mèter lan ambané kurang luwih 30 mèter. Kreteg iki nyediakaké patang lajur rong arah sing saben lajur ambané 3,5 mèter lan rong lajur darurat sing ambané 2,75 mèter. Kreteg iki uga nyediakaké lajur khusus kanggo pengendara sepédah montor ing saben sisih jaba kreteg [2][3].

Dalan layang[sunting | sunting sumber]

Dalan layang utawa Causeway dibangun kanggo ngubungaké konstruksi kreteg karo dalan dharat liwat perairan cethèk. Dalan layang iki dumadi saka 36 bentang sing dawané 1.458 mèter ing sisih Surabaya lan 45 bentang sing dawané 1.818 mèter ing sisih Madura.

Kreteg Suramadu

Dalan layang iki migunakaké konstruksi penyangga PCI sing dawané 40 meter saben bentangan ysig disangga pondhasi pipa waja kanthi dhiamèter 60 cm [4].

Kreteg penghubung[sunting | sunting sumber]

Kreteg penghubung utawa Approach bridge ngubungaké kreteg utama karo dalan layang. Kreteg dumadi saka loro bagéan sing dawané saben bagéan 672 mèter.

Kreteg iki migunakaké konstruksi penyangga beton kothak dawané 80 mèter saben bentangan kanthi 7 bentangan saben sisi sing ditopang pondhasi penopang dhiamèter 180 cm [5].

Kreteg utama[sunting | sunting sumber]

Kreteg utama utawa Main bridge dumadi saka telung bagéan yaiku rong bentangan samping dawané 192 mèter lan sak bentangan utama dawané 434 mèter.

Kreteg utama migunakaké konstruksi cable stayed sing ditopang déning menara kembar sing dhuwuré 140 mèter. Lantai kreteg migunakaké konstruksi komposit kandelé 2,4 mèter [2].

Kanggo ngakomodasi pelayaran kapal segara sing ngliwati selat Madura, kreteg iki duwé ruang bébas dhuwuré 35 mèter saka lumahing segara [2].

Rujukan[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kreteg_Suramadu&oldid=814413"