Pulo Madura

Madura

Peta lokasi pulo Madura
{{{peta2}}}
Koordinat	{{{koordinat}}}
Negara	Indonesia
Gugus kapuloan	Jawa
Provinsi	{{{provinsi}}}
{{{jenisdati2}}}	{{{dati2}}}
Garis pesisir
Amba	5.290 km² (111)
Pedunung	3.525.000 jiwa (taun 2005)
Kutha paling gedhé	{{{kota terbesar}}}
(?)

Pulo Madura panggonané ana ing wetané Pulo Jawa. Dawane mila saka pojok kulon lan pojok wétan bisa diliwati 5 jam nganggo kendaraan. Pulo iki jembaré ana 5.250 km2 (luwih cilik sethithik ketimbang Pulo Bali) lan cacahé pedunung ana 3,5 yuta jiwa. Pulo iki kahanané rada gersang, gunung kapur lan tegalan. Yen ing wetané rada subur lan bisa ditanduri. Wong Madura minangka ètnis sing populasiné cukup akèh ing Indonésia, cacahé watara 20 yuta jiwa, asal sakai Pulo Madura lan pulo-pulo saubengé kaya Gili Raja, Sapudi, Raas, lan Kangean. Saliyané iku, wong Madura akèh uga sing manggon ing tlatah wétan Jawa Wétan sing biasa disebut wilayah Tapal Kuda, ya iku wiwit sakai Pasuruan nganti tekan saloré Banyuwangi.

Sajarah

Litografi déning Auguste van Pers sing nggambaraké sawijining pangéran saka Madura lan baturé ing mangsa Hindhia Walanda

Sacara pulitis, Madura jroning maabad-abad wis dadi subordinat dhaérah kakuwasan sing munjer ing Pulo Jawa. Watara taun 900-1500, pulo iki ana ing sangisoré pengaruh kakuwasan krajan Hindhu Jawa wétan kaya Kedhiri, Singhasari, lan Majapait. Ing antara taun 1500 lan 1624, para panguwasa Madura gumantung marang krajan-krajan Islam ing pesisir lor Jawa kaya Demak, Gresik, lan Surabaya. Ing taun 1624, Madura ditaklukaké déning Mataram. Sawisé kuwi, ing paro pisanan abad kawolulas Madura ana ing sangisoré kakuwasan kolonial Walanda (wiwit 1882), wiwitané déning VOC, banjur déning pamaréntah Hindhia-Walanda. Nalika jaman pamérangan provinsi ing taun 1920-an, Madura dadi bagéan saka provinsi Jawa Wétan.

Pamérangan administratif

Pérangan administratif

Pulo Madura dipérang dadi 4 kabupaten, yaiku :

• Kabupaten Bangkalan
• Kabupaten Sampang
• Kabupaten Pamekasan
• Kabupaten Sumenep

Budaya

Karapan sapi ing Sumenep, Madura.

Pulo Madura misuwur saka asil produksi uyahé, lan dijenengaké Pulo Uyah. Ing Pulo Madura, wong-wongé seneng main karapan sapi. Sayembara karapan sapi dianakaké ing sasi Agustus - Septèmber lan dibanjuraké nganggo final piala presidhen ing Oktober.

Galeri gambar

• 

  Sampang ing Madura, dideleng saka ndhuwur

Pranala njaba

Wikimedia Commons gadhah galeri bab:

Pulo Madura