Kompeito

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kompeito

Kompeito (金平糖, 金米糖, 金餅糖, こんぺいとう?) inggih menika kembang gula (permèn) tradisional Jepang [1] [2] ingkang awujud kados lintang kanthi manéka warni lan raosipun namung legi kemawon. Setunggal kembang gula padatanipun kanthi diamèter antawisipun 5-10 milimèter [3]. Nama "kompeito" menika asalipun saking Basa Portugis, confeito ingkang ateges gula-gula. Kompeito sareng kalihan castella lan kembang gula aruheitō dipuntepangaken ing Jepang kirang langkung nalika taun 1550 déning penyadé saking Portugal. Kala menika, tiyang Jepang dèrèng mangertos caranipun damel gula murni. Proses kanggé damel kembang gula kasebut mbetahaken gula kanthi cacah ingkang kathah saéngga kompeito menika naté dados panganan ingkang mewah lan langka. Nalika taun 1569, misionaris Portugal Luís Fróis paring persembahan kompeito dhateng Oda Nobunaga nalika nyuwun ijin supados nglampahi pakaryan misionaris ing Jepang.

Proses damel kompeito[sunting | sunting sumber]

Proses anggènipun damel kompeito menika kalampahan antawisipun setunggal minggu dumugi kalih minggu utawi langkung. Nalika damel kompeito mawi warni, setunggal panci ingkang mubeng dipunginakaken kanggé setunggal warni kompeito.

  1. Gula batu dipundamel cair kalihan toya dumugi dados sirup ingkang kenthel.
  2. Gula kasar (zarame) minangka inti saking kembang gula dipunlebetaken dhateng panci ingkang mubeng utawi ingkang dipunsebat dora. Ing jaman rumiyin, inti saking kembang gula menika arupi wiji Papaver somniferum.
  3. Nalika panci tasih terus mubeng, sirup kenthel ingkang dados kristal sansaya dangu sansaya nglapisi kembang gula saéngga permukaan kompeito gadhah gundhukan-gundhukan ingkang dados ciri khas saking kompeito.

Kaginaan kompeito[sunting | sunting sumber]

  • Cendera mata astana kaisar
Astana kaisar Jepang gadhah tradisi maringi cendera mata arupi papan kué (kashiki). Kompeito dipunginakaken minangka isi papan kué kasebut supados para rawuh boten nampi wadah kué ingkang kothong boten wonten isinipun.
  • Cendera mata kanggé resèsi mantènan
Kompeito asring dados salah satunggaling souvenir kanggé para rawuh ingkang dugi ing adicara resèpsi mantènan ing Jepang.
  • Sumber kalori nalika kahanan wigati
Kejawi gula batu, kompeito asring dipunlebetaken ing kalèng biskuit kagem kepreluan dadakan ing Jepang. Kanthi ancas supados biskuit kasebut saged dipunsimpen pinten-pinten taun lan rasa boten dados kautamèn. Dipunkajengaken kompeito saged ngrangsang medalipun air liur supados biskuit raosipun tansah echo. Kejawi menika warni-warni kompeito supados saged ngicalaken stess déning tiyang ingkang nembé sisah.

Cathetan suku[sunting | sunting sumber]

  1. ^ (id) Wagashi, (dipunakses tanggal 24 Februari 2013)
  2. ^ (id) Permen Kompeito, (dipunakses tanggal 24 Februari 2013)
  3. ^ (id) Aneka Jajanan Khas Jepang, (dipunakses tanggal 24 Februari 2013)

Pranala luar[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kompeito&oldid=840075"