Kim Soo-Hyun

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kim Soohyun
Lair 16 Februari 1988 (umur 26)
Pakaryan aktor
Taun aktif 2007-saiki
Agèn KEYEAST
Dhuwur 1.80 m (5 ft 11 in)[1]
Website
www.keyeast.co.kr/kimsoohyun/
Korean name
Hangeul 김수현
Hanja

Kim Soo-Hyun (김수현) iku aktor saka Korea Kidul kang lair tanggal 16 Februari 1988.[2] Dhuwure Kim Soo-Hyun yaiku 180 cm, dene bobote yaiku 65 kg. Agamane Soo-Hyun yaiku kristen. Dheweke mulai aktif ing donyane entertainment wiwit taun 2007 nganti tekan saiki. Soo-Hyun tau sekolah ing Joongang University ing babagan akting mayor taun 2009. [3] Dheweke duweni kelangenan nyanyi lan seneng moto. Kamera DSLR kang diduweni yaiku Nikon D800, nanging kamera iku ora anyar, nanging tuku bekas duweke Lee Byung Jin. [4] Artis kang dadi kelangenane Kim Soo-Hyun yaiku Jo Seung Woo, Ha Jeung Woo, lan Ryoo Seung Beum. Jinis lelagon kang dadi kelangenane yaiku hip hop lan balada.

Kim Soo-Hyun beda karo artis Korea liyane. Dheweke ora gelem nganggo jeneng panggung, dheweke milih nganggo jeneng asline. Mula akeh wong kang ngomongake dheweke. Kanthi cara Hanja, jeneng Soo-Hyun kaperang saka rong aksara kanji, yaiku "Soo" kang tegese apik banget, lan "Hyun" kang tegese kebajikan. Nalika isih cilik, Soo-Hyun kalebu bocah kang menengan lan arang omong sanajan ing omahe dhewe. Ing omah, Soo-Hyun luwih seneng nonton tv lan seneng nulis. Banjur, ibune nglebukake dheweke menyang sekolah teater supaya Soo-Hyun ora dadi bocah kang pasif. Nanging, kadhang yen kaget, Soo-Hyun njerit kanthi ngundang ibune. Nalika SMP, Soo-Hyun tau kerja ing restoran cepat saji. Nanging, nembe telung dina kon metu amarga telat mulih sekolah. Sanajan mangkono, dheweke tetep entuk gaji. Gajine iku banjur dienggo tuku sepasang kaos kaki kanggo ibune. Nalika isih sekolah, Soo-Hyun tau melu latian mendaki. Dheweke uga tau melu kompetisine, nanging kalah amarga tiba nalika ing babak kapindho. Dheweke uga tau melu latian nyelem.

Karir[sunting | sunting sumber]

Kim Soo-Hyun miwiti karir akting ing taun 2003 kanthi main ing drama musikal Grease kang kaangkat saka film musikal Hollywood. Dheweke bajur main ing pentas teater A Midsummer Night's Dream. Ing taun 2007, Soo-Hyun miwiti debut pisanane ing televisi kanthi main ing film Kimchi Smile Cheese. Panampilane kang sukses iku, ndadekake dheweke entuk kapitayan main dadi paraga utama ing film Jungle Fish ing taun 2008. Ing film iku, dheweke dipasangake karo Park Bo Young. Taun 2009, Soo-Hyun main ing rong drama yaiku Will It Snow for Chrismast lan Father's House. Ing pungkasan taun 2009, Soo-Hyun resmi melu ing menejemen Keyeast Agency lan ngetokake offical website ing sasi Januari 2010. Nalika taun 2010, Soo-Hyun main ing drama Giant lan ngentukake panghargaan SBS award minangka New Star Award. Kasuksesan iku kang ndadekake Soo-Hyun bisa kapilih main ing film Dream High.[5] Ing film Dream High, dheweke main barengan karo Bae Su Ji (Suzy), Taecyeon, Wooyoung, lan JOO. Sadurunge main drama, dheweke latian nyanyi lan latian nari ing JYP suwene telung sasi.[6]

Filmografi[sunting | sunting sumber]

Drama[sunting | sunting sumber]

  • 2011 Dream High minangka Song Sam Dong
  • 2010 Giant minangka Sung Moo
  • 2009 Father's House minangka Kang Jae II
  • 2009 Will It Snow For Christmas minangka Cha Kang Jin
  • 2008 Jungle Fish minangka Han Jae Ta
  • 2007 Kimchi Smile Cheese minangka Kim Soo-Hyun

Film[sunting | sunting sumber]

  • 2009 Friends of The Worst
  • 2008 Memories Travel (Cherry Blossom)
  • 2003 A Midsummer Night's Dream
  • 2003 Grease

Bebungah[sunting | sunting sumber]

  • 2011 6th Asian Model Awards: Model Award[7]
  • 2010 SBS Drama Awards minangka New Star Award (Giant)

Cathetan Sikil[sunting | sunting sumber]

  1. ^ (Koréa)people.search.naver.com 김수현 탤런트 (kaundhuh tanggal 14 Agustus 2011)
  2. ^ (Basa Inggris)star.koreandrama.org Kim Soo-Hyun (Actor) (kaundhuh tanggal 13 Agustus 2011)
  3. ^ (Basa Indonésia)www.pelangidarama.net Profil Kim Soo-Hyun (kaundhuh tanggal 13 Agustus 2011)
  4. ^ (Basa Indonésia)vortuno.com Kim Soo-Hyun (kaundhuh tanggal 13 Agustus 2011)
  5. ^ (Basa Indonésia)www.famibex.com Foto dan Profil Kim Soo-Hyun (kaundhuh tanggal 13 Agustus 2011)
  6. ^ (Basa Inggris)www.allkpop.com Kim Soo Hyun trained at JYP for three months before ‘Dream High’
  7. ^ (Basa Indonésia)www.liputanterbaru.com Kim Soo-Hyun Profil, Biodata, Biografi (kaundhuh tanggal 13 Agustus 2011)

Pranala Jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kim_Soo-Hyun&oldid=883193"