Kaos oblong
 |
Artikel iki perlu dikembangaké supaya bisa nyukupi kriteria minangka èntri Wikipedia. Panjenengan bisa mbiyantu ngembangaké artikel iki. Yèn ora dikembangaké, artikel iki bakal dibusak. |
Kaos oblong uga diarani T-shirt yaiku jinis sandhangan kang nutupi lengen, dhadha, bahu, lan weteng.[1] Kaos oblong ora nduwéni kancing, krah, utawa sak.[1] Umume kaos oblong nduwéni lengen cekak.[1] Lengene ngliwati bahu nganti tekan sikut.[1] Kaos oblong ing bagéyan guluné nduwéni bentuk bunder.[1] Bahan kang umum kanggo nggawé kaos oblong yaiku katun utawa poliéster.[1] Saliyané iku kena uga nggunakaké bahan loro-loroné, kanthi nggabungaké bahan-bahan mau.[1] Mode kaos oblong kayata mode kanggo wong wadon lan mode kanggo wong lanang.[1] Kaos oblong uga kena dianggo kabéh umur wiwit bayi, remaja, nganti tekan wong diwasa. [1]
Asal muasal jeneng inggrisé yaiku T-shirt, ora ana sing mangerténi kanthi trawaca.[2] Teori kang paling umum yaiku jeneng T-shirt asalé saka bentuk kang mirip karo huruf "T", utawa amarga pasukan militér kerep nganggo pakéyan jinis iki dadi pakéyan training utawa training shirt.[2] Kaos oblong biyèn mung dianggo dadi pakeyan dalam.[2] Ananging saiki kaos oblong ora mung digunakaké dadi pakeyan dalam ananging uga kena dadi pakéyan sedina-dinané.[2] Kaos oblong jaman saiki duwéni akéh variasi lan wernané.[2] Umpamané kaos oblong kang diwénéhi gambar lan tulisan kang werna-werna.[2] Kayata film, jeneng lan gambar tokoh kang misuwur. [2]Saliyane iku kaos oblong uga kena dadi ciri organisasi lan kanggo kampanyé kanthi nyithak tulisan lan gambar manut karep lan tujuwané.[2]
