Indèks Rega Saham Gabungan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Indèks Rega Saham Gabungan (Basa Indonesia: Indeks Harga Saham Gabungan, dicekak IHSG, jroning Basa Inggris disebut uga Jakarta Composite Index, JCI, utawa JSX Composite) iku salah siji indèks pasar saham sing dipigunakaké déning Bursa Èfèk Indonesia (BEI; biyèn Bursa Èfèk Jakarta (BEJ)). Dikenalaké sepisanan ing tanggal 1 April 1983, minangka indikator pergerakan rega saham ing BEJ, Indeks iki nyakup pergerakan rega Kabèh saham biasa lan saham preferen sing kacathet ing BEI. Dina Dhasar kanggo pétungan IHSG yakuwi tanggal 10 Agustus 1982. Ing tanggal kasebut, Indeks ditetepaké kanthi Nilai Dhasar 100 lan saham kacathet wektu kuwi caché 13 saham.[1]

Ing tanggal 10 Oktober 2008, posisi paling dhuwur sing tau digayuh IHSG yakuwi 2.830,26 poin sing kacathet tanggal 9 Januari 2008.[2]

Metode pétungan[sunting | sunting sumber]

Dhasar pétungan IHSG yakuwi gunggung Nilai Pasar saka total saham sing kacathet ing tanggal 10 Agustus 1982. Gunggung Nilai Pasar yakuwi total ping-pingan saben saham kacathet (kajaba kanggo prusahaan sing ana ing sajroning program restrukturisasi) karo rega ing BEJ ing dina kasebut. Formula pétungané yakuwi kaya kacetha ing ngisor iki:

 IHSG = {\sum p \over d} x 100
yakuwi p = Rerga Panutupan ing Pasar Reguler,x = Gunggung Saham, lan d = Nilai Dhasar.

Pétungan Indèks makili pergerakan rega saham ing pasar/bursa sing dumadi liwat sistem perdagangan lélang. Nilai Dhasar bakal disesuaikaké sacara cepet yèn ana owah-owahan modal emiten utawa ana faktor liya sing ora kagandhèng karo rega saham. Panyesuaian bakal diayahi yèn ana tambahan emiten anyar, HMETD (right issue), partial/company listing, waran lan obligasi konversi semana uga delisting. Yèn kapinujon ana stock split, dividen saham utawa saham bonus, Nilai Dhasar ora disesuaikaké amarga Nilai Pasar ora kena pengaruh. Rega saham sing dipigunakaké jroning ngitung IHSG yakuwi rega saham ing pasar reguler sing didhasaraké marang rega sing dumadi adhedhasar sistem lélang.[1]

Pétungan IHSG dianakaké saben dina, yaiku sawisé panutupan perdagangan saben dinané. Ing mangsa ngarep, pétungan IHSG bakal bisa diayahi luwih kerep utawa malah bisa saben sawetara menit, bab iki bisa kaleksanan sawisé sistem perdagangan otomasi diimplementasèkaké kanthi apik.[1]

Indèks BEJ liyané[sunting | sunting sumber]

Ana sawetara indèks saham liyané sing dadi bagýan saka IHSG, ing antarané yakuwi:

  1. Indèks Sèktoral
  2. Indèks LQ45
  3. Jakarta Islamic Index (JII)[1]
  4. Kompas 100

Komponèn IHSG[sunting | sunting sumber]

PirsaniKomponen Indèks Harga Saham Gabungan

Referensi[sunting | sunting sumber]

Deleng uga[sunting | sunting sumber]