Hacker

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hacker

Hacker yaiku sebutan kanggo wong utawa kelompok kang mènèhi sumbangan kang manfaat kanggo donya jaringan lan sisitem oprasi, gawé program bantuan kanggo donya jaringan lan komputer. Hacker uga isa dikategorikaké gawéyan kang dilakokké kanggo golèk kelemahan salah sijiné sistem lan mènèhi ide utawa pendapat kang isa ndandani kelemahan kang ditemokaké.[1] Ana uga sing ngandakaké yèn hacker iku salah sijiné penjahat kang ana ing donya maya utawa donya internet, ananging iku kabèh pengertian kang salah kaprah. Hacker dhéwé yaiku wong kang kerjané kanggo ngembangaké program-program komputer, isa iku sacara independen utawa dikerjakaké ing salah sijiné perusahaan. Tugas hacker yaiku golèk kelemahan saka salah sijiné sistem kang dibangun déning programer sahingga program utawa aplikasi kang digawé isa dadi luwih apik saka sak durungé. Senajan wong kang nglakokaké kejahatan ing bidang teknologi informasi iku disebut kanti jenengan cracker. Istilah iki kanggo sebagéyan wong mungkin ora penting, ananging sabeneré penting banget. Istilah kang salah kaprah iki akèh ngrugèkaké sacara moral.[2]

Sejarah Hacker[sunting | sunting sumber]

Istilah hacker mulai ana iing sekitar taun 1960-an lan pertama kali digunakaké déning mahasiswa Tech Model Railroad Club kang kerja ing sala sijiné laboratorium ing Massachussets Intitut of Technology. Istilah hacker dhéwé digunakaké kanggo nyebut wong kang ahli ing bidang pemrograman lan isa ngasilaké program kang luwih apik ketimbang program sakdurungé kang wis ana kanti cara ngilangi kelemahan kang ana ing jeroné. Istilah iki populèr ing kalangan masyarakat lan nyebut wong-wong kang ahli ing sajroné pemrogram komputer minangka hacker.[2]

Tingkatan Hacker[sunting | sunting sumber]

Kanyata hacker uga nduwèni tingkatan-tingkatan, saben tingkatan dibédakaké kanti kepinteran lan ilmu kang diduwèni karo hacker:

  • Elite

Ciri-ciri: ngertèni sistem oprasi jaba lan jero, isa ngonfigurasi lan nyambungaké jaringan sacara global, nglakokaké pemograman saben dinané, èfisien lan trampil, gunakaké ilmuné kanti tepat, ora ngremuk data-data, lan mesti nepati aturan kang ana. Tingkat èlit iki disebut minangka suhu.

  • Semi Elite

Ciri-ciri: luwih enom saka golomgan èlit, nduwèni kepinteran lan pengalaman kang akèh babagan komputer, ngertni babagan sisitem operasi, kepinteran programé cukup kanggo ngubah program eksplosit.

  • Developed Kiddie

Ciri-ciri: Umuré isih enom lan isih sekolah, dèwèké maca babagan metode hacking lan carané ing pira-pira kesempatan, nyoba pira-pira sistem nganti ahiré kasil lan memproklamirake kemenangan marang liyané, biasané isih gunakaké Grafik User Interface (GUI) lan isih sinau basic saka LINUX tanpa mampu nemokaké kelemahan anyar ing sistem operasi.

  • Script Kiddie

Ciri-ciri: Kaya developed kiddie lan uga kaya Lamers, dèwèké amung nduwèni kepinteran tèknis networking kang isih sithik. Ora béda kaya GUI, hacking dilakokaké gunakaké trojan kanggo medèni lan nyusahaké urip minangka pengganggu Internet.

  • Lammer

Ciri-ciri: Ora nduwèni pengalaman lan kepinteran ananging péngén dadi hacker sahingga kerep disebut minangka wanna-be hacker, panggunaan komputer dèwèké terutama kanggo main gém, IRC, ijol-ijolan software kartu kredit, nglakokaké hacking kanti gunakaké software trojan, nuke lan Dos, seneng nyombongaké awaké dhéwé léwat IRC chanel, lan sakpanunggalé. Amerga akèh kurangé kanggo gayuh elite, sajroné perkembangan déwéké amung nganti bakal nyampé level developed kiddie utawa script kiddie bae.[1]

Cathetan Sikil[sunting | sunting sumber]

  1. ^ a b HACKERPengertian HACKER, (Kaunduh 22/10/12).
  2. ^ a b [1]memahami-dekat-dan-jelas-pengertian-hacker-dan-cracker, Kaunduh 22/10/12.

Pranala Jaba[sunting | sunting sumber]

[HACKER] [[2]]

Sumber artikel punika saking kaca situs web: "http://jv.wikipedia.org/w/index.php?title=Hacker&oldid=851536"