Trojan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Trojan

Trojan utawa progran trojan horse yaiku program mbebayani kang éthok-éthoké dadi salah sijiné aplikasi jinak.[1] Salah sijiné program trojan horse sengaja ngapusi pangguna kanthi éthok-éthok dadi program kang ora mbebayani pangguna internèt tanpa cubriya nglakokaké program kasebut.[1] Kanthi nglakokaké program kasebut sacara ora langsung padha karo nglebokaké trojan kasebut ing sajroning bèntèng komputer.[1] Trojan dudu virus amerga dhèwèké ora ngréplikasi dhèwèké dhéwé, ananging program trojan bisa ngrusak kayadené virus.[1]

Sajarah lan dhéfinsi[sunting | sunting sumber]

Asalé istilah Trojan Horse saka negara Yunani, ing ngendi kacritakaké para pejuwang umpetan ing sajroning Jaran Trojan kang digawé saka kayu kang gedhé banget.[2] Wong kabèh mau banjur metu saka Jaran Trojan kasebut sakwisè dikira lunga saka dhaérah kasebut banjur nyerang targèt–targèt kang wis ditemtokaké.[2] Banjur para pejuwang iku mènèhi dalan marang para pejuwang liya kang arep nyerang. Trojan digolongaké ing jenis malware yaiku automated-program utawa program kang bisa urip dhéwé.[2] Trojan uga dianggep destruktif, anamung waé dhèwèké ora kaya virus kang nyebar, ananging bakal didhetèksi minangka virus.[2]

Fungsi[sunting | sunting sumber]

  • Trojan arupa piranti (tool) kang bisa digunakaké kanggo monitori (monitoring) mesin liya.[3] Bisa diartèkaké trojan minangka kaméra kang kasingitaké kang dipanggonaké ing komputer targèt.[3]
  • Trojan béda karo piranti hack (hacking tools), amung minangka palengkap sajroning langkah hacking.[3]

Jenisé trojan[sunting | sunting sumber]

  • Trojan Remote Access
  • Trojan Pengirim Password
  • Trojan File Transfer Protocol (FTP)
  • Keyloggers
  • Trojan Penghancur
  • Trojan Denial of Service (DoS) Attack
  • Trojan Proxy/Wingate
  • Software Detection Killers.[4]

Cara ngatasi bebaya trojan[sunting | sunting sumber]

  • Task List

Pandhektèsiané kanthi ndeleng dhaptar program kang lagi mlaku ing task list. Daptar bisa ditampilaké kanthi mijèt tombol CTRL + ALT + DEL utawa klik tengen ing toolbar banjur klik task manager. Sakliyané bisa ngertèni program kang lagi mlaku, panganggo uga bisa ngendheg salah sijiné program kang dianggep anèh lan nyubriyani. Ananging pira-pira trojan tetep ngumpet saka dhaptar task list iki. Saéngga kanggo ngertèni sacara jangkep program kang lagi mlaku sacara sekabèhané perlu dibukak System Information Utility(msinfo32.exe) kang manggon ana ing: C:\Program files\common files\microsoft shared\msinfo. Tool iki bisa ndeleng kabèh prosèsé iku kang lagi mlaku, bisa iku kang ngumpet saka task list utawa ora. Anata kang perlu dipriksa yaiku path, jeneng file, properti file lan mlakuné file (exe sarta file).[4]

  • Netstat

Kabèh trojan mbutuhaké komunikas. Yèn dhèwèké ora nglakokaké komunikasi tegesé tujuwané muspra. Iki salah sijiné kalemahan kang utama saka trojan, kanthi komunikasi tegesé dhèwèké ninggalaké tlipak kang sabanjuré bisa ditlusuri. Préntah Nestat fungsiné mbukak konèksi marang lan saka komputer wong liya. Yèn préntah iki dilakokaké mula bakal ngetokaké IP address saka komputer kasebut lan komputer kang konèk karo dhèwèké. Yén ditemokaké IP address kang ora ditepungi banjur perlu dislidhiki.[4]

Cara nyegah trojan[sunting | sunting sumber]

Trojan nyusup ing komputer korban, pesthèkna masang antivirus kang kerep dianyaraké utawa di-update, ngaktifaké firewall bisa iku saka gawanan windows utawa saka njaba. Ngati-ati yèn komputer ana sing anèh utawa ora kaya biasané. Èndhani panganggoan piranti alus ilegal amerga kerep tanpa disadhari piranti alus kasebut ngandhut trojan. Yèn ngundhuh piranti alus, njupuka saka situs-situs kang bener-bener bisa dipercaya.[4]

Cathetan sikil[sunting | sunting sumber]

  1. ^ a b c d [1], Kaundhuh 16/10/12.
  2. ^ a b c d [2], Kaundhuh 18/10/12.
  3. ^ a b c [3], Kaundhuh 17/10/12.
  4. ^ a b c d [4], Kaundhuh 30/10/12.

Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Trojan&oldid=864551"