David Packard

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
David Packard
David Packard
Lair Cithakan:Birthdate
Pueblo, Colorado
Tilar donya 26 Maret 1996 (umur 83)
Stanford, California
Pendhidhikan Stanford University, BA (1934), MA (1939)
Dikawruhi amarga Hewlett-Packard Company (HP)
Kutha asal Pueblo, Colorado
Garwa Lucile Salter (d. 1987)
Anak David, Nancy, Susan, and Julie

David Packard (lair 7 September 1912 – tilar donya 26 Maret 1996 kanthi umur83 taun)[1] inggih punika salah satunggaling pendiri Hewlett-Packard. Piyambakipun miyos wonten ing Pueblo, Coloradi, pikantuk gelar sarjana muda saking Unversitas Stanford rikala taun 1934. Sasampun piyambakipun kerja nyambut damel wonten ing General Electric ing Schenectady, New York.

Rikala taun 1934, piyambakipun kondur saking New York dhateng Stanford, papan piyambakipun pikantuk gelar master ing bidang teknik elektro wonten ing taun candhakipun. Wonten ing taun ingkanng sami ugi, piyambakipun palakrama kaliyan Lucile Salter, ingkang lajeng kaparingan 4 putra, David, Nancy, Susan, lan Julie. Lucile Salter tilar donya wonten ing taun 1987.

Hewlett-Packard[sunting | sunting sumber]

Wonten ing taun 1939, piyambakipun lan William Hewlett ndirikaken Hewlett Packard ing garasinipun kanthi modal dhasar antawis 538 dollar AS. Parusahan punika, ing pundi salajengipun kabukti bilih Packard minangka pengelola ingkang trampil lan Hewlett ingkang medalaken manèka inovasi teknologi, ngrembaka dados produsén alat uji elektro lan alat pangukur paling ageng ing donya. Parusahan punika lajeng ugi dados produsen utama kalkulator, komputer, lan mesin cetak laser sarta tinta. Packard nyariosaken wonten ing bukunipun “the HP way” bilih nama Hewlett Packard katemtokaken saking "lemparan" koin dados HP sanès PH. [2]

Packard njabat minangka Presiden Hewlett-Packard saking taun 1947 dumugi 1964, CEO lan Ketua Dewan Direksi saking taun 1964 dumugi 1968, lan Ketua Dewan Direksi saking 1972 dumugi 1993. Nalika piyambakipun seda taun 1996, kepemilikan Packard ing parusahan kasebut dumugi langkung saking 1 miliar dolar AS.

Karier Politik[sunting | sunting sumber]

Nalika wiwit njabat nalika taun 1969, Presiden Richard Nixon nunjuk Packard minangka Deputi Menteri Pertahanan AS ing sangandhaping Menteri Pertahanan Melvin Laird. Packard njabat dumugi taun 1971, nalika salajengipun Packard ngunduraken diri lan rikala taun candhakipun wangsul malih njabat minangka ketua dewan dirèksi HP. Wonten ing taun 1970-an lan 1980-an, Packard minangka penasihat utama Gedung Putih babagan pengadaan lan pengelolaan pertahanan.

Kadermawanan[sunting | sunting sumber]

Wiwit taun 19'80-an dumugi piyambakipun séda taun 1996, Packard ndedikasikaken sapérangan ageng wekdal lan artanipun wonten ing proyek-proyek filantropi. Dipunwiwiti saking putrinipun Nancy lan Julie, nalika taun 1978 David lan Lucile Packard damel Yayasan Monterey Bay Aquarium. Pasangan punika nyumbang 55 juta Dollar AS kangge mbangun akuarium ingkang enggal, ingkang dipunbuka taun 1984 kanthi eksekutif direkturipun Julie Packard. Wonten ing taun 1987, Packard nyumbang 13 juta dollar kangge mbiyangun institut panaliten Monterrey Bay Aquarium, lan wiwit wekdal punika Yayasan Packard nyamektakaken 90% anggaran operacional institut kasebut. Saking kadermawananipun, piyambakipun dipunanugrahi penghargaan United States Military Academy's Sylvanus Thayer Award taun 1982. Wonten ing taun 1964, pasangan kasebut mbiyangun Yayasan David lan Lucile Packard. Wonten ing taun 1986 kekalihipun nyumbang 40 juta Dollar AS kangge mbangun griya sakit anak ingkang lajeng dipunkenal minangka Lucile Salter Packard Children's Hospital ing Universitas Stanford. Griya sakit punika dipunbikak taun 1991.

Nalika piyambakipu seda, piyambakipun maringaken antawis 4 milyar dollar AS dhateng Yayasan Packard kalebet ugi properti wonten ing Los Altos Hill. Ketiga putri Packard wonten ing dewan wali amanah yayasan kasebut.[3]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=David_Packard&oldid=836945"