Christina Aguilera

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Christina Aguilera

Christina Aguilera
Latar wuri
Jeneng Christina Maria Aguilera
Alias X-tina
Asal Pittsburgh, Pennsylvania, Amérika Sarékat
Génré Pop
R&B
Pegawéyan Penyanyi
Panulis lagu
Filantropis
Taun aktif 1998–saiki
Label RCA
Situs wèb www.christinaaguilera.com

Christina Maria Aguilera (lair ing Pulo Staten, New York, Amérika Sarékat, 18 Desember 1980; umur 33 taun) yaiku penyanyi lan panulis lagu Amérika kang ditepungi duwé kemampuan vokal lan gaya saka busanané kang èksèntrik utawa seksi.[1][2] [3] Gaya busanané akèh ditiru déning sapérangan artis liyané lan uga nom-noman ana ing negara-negara liyané.[2] Akèh para kalangan kang mbandhingaké swarané karo penyanyi Mariah Carey lan Whitney Houston.[1]

Christina duwé papat single kang bisa mapan ana ing nomer siji dhaftar Billboard Hot 100, kayata Genie In A Bottle (1999), What A Girl Wants lan Come On Over Baby (All I Want Is You) (2000) uga Lady Marmalade (2001).[2][3] Sakliyané 4 single kang ana ing posisi puncak, single saka Christina Aguilera uga ana ing posisi top ten, kayata I Turn To You (2000), Beautiful lan Ain't No Other Man (2006) lan uga Keeps Gettin' Better (2008).[2][3]

Dhebut album pisanané yaiku Christina Aguilera (1999) lan Back to Basics (2006) mèlu mapan ing urutan pisanan dhaftar 200 album paling laris vèrsi Billboard Music Chart kanthi angka pangadolan luwih saka 250.000 iji lan 346.000 iji ana ing pétungan wektu 1 minggu wiwit album mau dirilis menyang pasaran Amérika.[2][3] Album nomer loro saka Christina, Stripped (2002) mapan ana ing posisi nomer loro kanthi angka pangadolan luwih saka 330.000 iji, déné album natal pisanané yaiku My Kind of Christmas (2000) mung bisa manggon ana ing posisi nomer 28.[2] Mi Reflejo kang diluncuraké nalika taun 2000 uga bisa manggon ana ing posisi puncak pangadolan album paling laris vèrsi Billboard Latin Album.[2]

Sadawané kariré, Christina Agulera wis olèh nominasi Grammy Awards utawané Latin Grammy Awards kaping 18.[2] Christina uga wis kaping papat olèh 4 Grammy Awards kanggo kategori Best New Artist (2000), Best Female Pop Vocal Performance (Beautiful - 2004 lan Ain't No Other Man - 2007) lan Best Pop Collaboration with Vocals bareng karo P!nk, Li'l Kim lan Mya kanggo single Lady Marmalade nalika taun 2002.[2] Ana ing Latin Grammy Award, Christina uga olèh bebungah kanggo kategori Best Female Pop Vocal Album (2001) kanngo album basa Latin pisanané yaiku Mi Reflejo.[2]

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Christina_Aguilera&oldid=831897"