Candhi Ijo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Candi Ijo ingkang wonten ing sawetanipun Situs Ratu Baka
Candi Ijo.jpg

Candhi Ijo inggih menika salah satunggaling kompleks percandhian ingkang wonten ing Bukit Ijo.[1] Nama candhi kasebat dipunpendhet saking nama panggenan dipunwangunipun candhi menika ingkang dèning masyarakat ing mrika dipunparingi nama Gumuk Ijo (gumuk = bukit).[1] Bukit Ijo kalebet perbukitan paling inggil ing wewengkon Kecamatan Prambanan, Kabupatén Sléman, kanthi panggenan ingkang paling inggil kinten-kinten 410 méter ing nginggilipun permukaan laut.[1][2] Papan panggenan Candhi Ijo piyambak ing inggil 357,402 méter - 395,481 méter ing sanginggilipun permukaan laut.[1] Candhi menika mapan ing panggenan paling inggil ing antawisipun candhi-candhi sanésipun ing wewengkon Yogyakarta.[2]

Kompleks candhi Ijo sejatosipun taksih wonten ing satunggalipun perbukitan kaliyan candhi-candhi sanésipun, kados Candhi Ratu Baka, Candhi Barong, sarta Candhi Banyunibo.[1] candhi-candhi kasebat wonten ing sanginggilipun bukit kapur Kecamatan Parambanan.[1] Candhi Ijo piyambak kinten-kinten dipunwangun watawis abad kaping sanga Maséhi.[1] Saking area candhi menika, menawi wisatawan mirsani dhateng sisih kidul, badhe ketingal lembah kanthi téras ingkang curem ingkang èndah sanget.[1] Siti ing perbukitan menika panci boten subur, ananging ing mangsa rendheng wit-witan suket ketingal èndah sanget.[1] Menawi wisatawan mirsani dhateng sisih kilenipun wonten Bandara Internasional Adisujipto Yogyakarta.[1]

Cathetan Suku[sunting | sunting sumber]

  1. ^ a b c d e f g h i j (id)Candi Ijo dipunundhuh tanggal 12 Agustus 2011)
  2. ^ a b (id)Candi Ijo, Candi yang Letaknya Tertinggi di Yogyakarta dipunundhuh tanggal 12 Agustus 2011)

Pranala Njawi[sunting | sunting sumber]

(id)Candi Ijo


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Candhi_Ijo&oldid=843090"