Kabupatèn Sléman

Kabupatèn Sleman

Lambang Sleman
Motto: "Sembada"
Dina Dadi:	15 Mei 1916
Ibukutha:	Sleman
Bupati:	Drs. Ibnu Subiyanto Akt
Wakil Bupati:	Drs. H. Sri Purnomo, MSI.
Jembar  - Total:	574,82 km²
Kecamatan  - Cacahe:	17 Kecamatan
Pedunung  - Total:  - Kapadhetan:	+/- 941.000 (2003) +/- 1.636 jiwa / km²
Suku bangsa:	wong Jawa
Agama:	Kejawèn, Islam, Protestan, Katulik, Hindu lan Buddha
Basa:	Basa Jawa lan Basa Indonesia

Peta Sléman

Kabupatèn Sléman iku salah siji kabupatèn ing Daerah Istimewa Yogyakarta, lokasine ing sisih lor provinsi DIY, kutha Sléman iku minangka ibukutha kabupatèné, kutha-kutha liyané : ---, lan liya-liyané. Jembar wilayah Kabupatèn iki ± 574,82 km² utawa --- hèktar. Kabupatèn iki wewatesan karo Provinsi Jawa Tengah ing sisih lor lan wétan, Kabupatèn Gunung Kidul, Kabupatèn Bantul, lan Kutha Yogyakarta ing sisih kidul, sarta Kabupatèn Kulonpraga ing sisih kulon. Sléman dikenal minangka asal woh salak pondoh. Manéeka pendhidhikan dhuwur sing ana ing Yogyakarta sabeneré sacara administrasi dumunung ing wilayah kabupatèn iki, antara liya Universitas Gadjah Mada lan Universitas Negeri Yogyakarta.

Pusat pamaréntahan dumunung ing Kecamatan Sléman, sing lokasiné ana ing jalur utama antara Yogyakarta - Semarang. Kanthi Pametu Asli Dhaérah Rp. 52.978.731.000,- (2005) Kabupatèn Sléman minangka Kabupatèn paling sugih ing Provinsi Dhaérah Istiméwa Yogyakarta.

Geografis

Kabupatèn iki wewatesan karo Provinsi Jawa Tengah ing sisih lor lan wétan, Kabupatèn Gunung Kidul, Kabupatèn Bantul, lan Kutha Yogyakarta ing sisih kidul, sarta Kabupatèn Kulonpraga ing sisih kulon. Bagéan lor kabupatèn iki arupa tlatah pagunungan, kanthi pucuk pucuké arupa Gunung Merapi ing tapel wates karo Jawa Tengah, salah siji gunung geni aktif sing paling mbebayani ing Pulau Jawa. Déné ing sisih kidul arupa dhataran cendhèk sing subur. Ing antara kali-kali gedhé sing mili ngliwati kabupatèn iki ya iku Kali Praga (mbatesi kabupatèn Sléman karo Kabupatèn Kulonpraga), Kali Codhé, lan Kali Tapus.

Miturut karakteristik sumberdaya, wilayah Kabupaten Sleman kapérang dadi patang kawasan, ya iku :

1. Kawasan Pèrèng Gunung Merapi, diwiwiti saka dalan sing ngubungaké Kutha Tempel, Turi, Pakem, lan Cangkringan(rightbelt) nganti pucuk Gunung Merapi. Wilayah iki sugih sumberdaya banyu lan potènsi ekowisata sing magepokan karo aktivitas gnung Merapi lan ekosistemé.
2. Kawasan Wétan sing nyakup Kecamatan Prambanan, Kalasan, Berbah. Wilayah iki sugih papan patilasan purbakala (candhi) minangka pusat wisata budaya lan dhaérah lahan garing sarta sumber bahan watu putih.
3. Kawasan Tengah ya iku wilayah aglomerasi Perkotaan Yogyakarta sing nyakup Kecamatan Mlati, Sleman, Ngaglik, Ngemplak, Dépok, lan Gamping. Wilayah iki cepet tueuh, minangka pusat pendhidhikan, indhustri, perdagangan, lan jasa.
4. Kawasan Kulon nyakup Kecamatan Godéan, Minggir, Seyegan, lan Moyudan, minangka dhaérah pertanian lahan teles lan penghasilan bahan baku kegiatan indhustri kerajinan mending, mambu, lan grabah.

Miturut pusat-pusat pertumbuhan, wilayah Kabupatèn Sleman sing dadi wilayah hulu kutha Yogyakarta bisa dipérang dadi :

1. Wilayah agromenasi kutha Yogyakarta, sing nyakup Kecamatan Depok, Gamping, sarta sebagéan wilayah Kecamatan Ngaglik, Ngemplak, Kalasan Berbah, Sleman, lan Mlati.
2. Wilayah sub-urban, nyakup kutha Kecamatan Godean, Sleman, lan Ngaglik, sing dumunung adoh saka kutha Yogyakarta lan tuwuh dadi tujuwan kagiatan masarakat ing wilayah kecamatan saubengé, saéngga dadi pusat pertumbuhan.
3. Wilayah fungsi khusus utawa wilayah penyangga (buffer zone) nyakup Kecamatan Tempel,Turi, Pakem, lan Cangkringan, sing dadi pusat pertumbuhan tumrap wilayah saubengé.

Sajarah

Kabupatèn Sléman bisa dilacak ing Rijksblad no. 11 Tahun 1916 tanggal 15 Mei 1916 sing mbagi wilayah Kasultanan Yogyakarta jroning 3 Kabupatèn, ya iku: Kalasan, Bantul, lan Sulaiman (sing banjur disebut Sléman), sing dipimpin déning bupati. Jroning Rijksblad kasebut uga disebutaké yèn kabupatèn Sulaiman dumadi saka 4 distrik ya iku : Distrik Mlati (dumadi saka 5 onderdistrik lan 46 kalurahan), Distrik Klegoeng (dumadi saka 6 onderdistrik lan 52 kalurahan), Distrik Joemeneng (dumadi saka 6 onderdistrik lan 58 kalurahan), Distrik Godean (dumadi saka 8 onderdistrik lan 55 kalurahan). Miturut Perda no.12 Taun 1998, tanggal 15 Mei taun 1916 wusanané ditetepaké minangka dina dadi Kabupatèn Sléman. Miturut Almanak, dina kasebut persis dina Senèn Kliwon, Tanggal 12 Rejeb Taun Je 1846 Wuku Wayang.

Adhedhasar péitungan taun Masèhi, dina dadi Kabupatèn Sléman ditandhani kanthi Surya Sengkala "Rasa Manunggal Hanggatra Negara" sing maknané Rasa= 6, Manunggal=1, Hanggatra=9, Negara=1, saéngga kawaca taun 1916. Sengkalan kasebut, senadyan nglambangaké taun, nduwèni makna sing jelas tumrap masarakat Jawa, yakuwi kanthi rasa persatuan mbentuk negara. Déné saka pétungan taun Jawa dadi Candra Sengkala "Anggana Catur Salira Tunggal" sing tegesé Anggana=6, Catur=4, Salira=8, Tunggal=1. Kanthi mangkono saka Candra Sengkala kasebut kawaca taun 1846.

Sawetara taun sabanjuré Kabupatèn Sléman naté diudhunaké statusé dadi distrik ing sangisoré wilayah Kabupatèn Yogyakarta. Lan nembé tanggal 8 April 1945, Sri Sultan Hamengkubuwono IX nata manèh wilayah Kasultanan Yogyakarta liwat Jogjakarta Koorei angka 2 (loro). Panatan iki masang Sléman ing status sadurungé ya iku minangka wilayah Kabupatèn lan Kanjeng Radèn Tumenggung Pringgodiningrat minangka bupati. Ing mangsa kasebut, wilayah Sléman mbawahi 17 Kapenewon/Kecamatan (Son) sing dumadi saka 258 Kalurahan (Ku). Ibu kutha kabupatèn dumunung ing wilayah lor, sing wektu iki dikenal minangka désa Triharjo. Liwat Maklumat Pamaréntah Provinsi Dhaérah Istiméwa Yogyakarta Nomer 5 taun 1948 ngenani owah-owahan dhaérah-dhaérah Kelurahan, mula 258 Kelurahan ing Kabupatèn Sléman silih nggabungaké dhiri saéngga dadi 86 kelurahan/désa. Kelurahan/Desa kasebut mbawahi 1.212 padukuhan.

Pamaréntahan

Pusat pamaréntahan dumunung ing Kecamatan Sléman, sing lokasiné ana ing jalur utama antara Yogyakarta - Semarang. Kabupatèn Sléman katata jroning 17 kecamatan, 86 désa lan kelurahan. Kecamatan-Kecamatan ing Kabupatèn Sléman yaiku:

• Berbah
• Cangkringan
• Dépok
• Gamping
• Godéan
• Kalasan
• Minggir
• Mlati
• Moyudan
• Ngaglik
• Ngemplak
• Pakem
• Prambanan
• Seyegan
• Sléman
• Tèmpèl
• Turi

Deleng uga

• Daftar Daerah Tingkat II

Pranala Jaba

• Situs Web Resmi
• Pariwisata Sleman