Byeongsan Seowon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pendopo Mandae ing Byeongsan Seowon.

Byeongsan Seowon inggih menika satunggaling seowon ingkang mapan wonten ing Kampung Byeongsan, Kecamatan Pungcheon, Kabupatèn Andong wonten ing Propinsi Gyeongsang Lor, Korea Kidul.[1][2] Arsitèktur bangunanipun menika kalebet situs mawi sejarah ingkang dipunjagi nomor 206.[1]

Sajarah[sunting | sunting sumber]

Wiwitanipun seowon menika kalebet pawiyatan (sekolah) biasa ingkang dipunbangun nalika zaman Dinasti Goryeo kala menika nalika Raja Gongmin (nyekel tahta saking taun 1351 dumugi taun 1344) ngungsi dhateng Andong amargi prastawa Pamberontakan Sorban Abang. Kala menika Raja Gongmin maringi nama sekolah kasebut minangka Pungak Seodang lan ndhèrèk mbiyantu kanthi nyumbang lemah ugi buku-buku. Piyambakipun rumaos remen awit saking sengkutipun para siswa anggènipun sinau kanthi tememen.[1] Salajengipun, nalika masa Dinasti Joseon, Pungak Seodang dipungantos namanipun saengga dados Pungak Seowon. Kejawi dipungantos namanipun ugi dipunpindhah dhateng Kampung Byeongsan ingkang tentrem ing taun 1572 (taun kaping 5 masa pamaréntahan Raja Seonjo) déning Yu Seong-ryong (Seo-ae). Yu ingkang umuripun 31 taun kala menika, ngéwahi nama Pungak Seowon saéngga dados Byeongsan Seowon.[1] Bibar piyambakipun tilar donya, murid-murid seowon kasebut damel altar ing taun 1614 (taun kaping 6 masa pamaréntahan Gwanghaegun lan ugi maringi nama kuil papan altaripun Chondeoksa.[1] Jesa kangge paring pakurmartan dhateng Yu Seong-ryong kanthi ajeg kaleksanan nalika mangsa semi lan mangsa gugur.

Arsitektur[sunting | sunting sumber]

Byeongsan Seowon ingkang madep ing sisih kidul-wétan marang Lèpèn Nakdong saged karambah mawi mergi ingkang menggak-menggok marang sisih Kampung Hahoe. Wonten ing gerbang ngajeng bangunan wonten bangunan Pendopo Mandae (Mandaeru).[1] Ruangan kelas dipunparingi nama Ipgyodang lan wonten ing sisih wétan wonten Dongjikje, asrama murid ingkang sejajar kalihan bangunan perpustakaan. Wonten ing wingkingipun Ipgyodang ing sisih wétan ing lemah ingkang langkung inggil wonten gerbang ingkang ing jeronipun wonten Chondeoksa, kuil papan altar. Déné ing sisih kulon kuil wonten gudang balok kayu, ruangan kanggé nyiapaken jesa, lan ugi bangunan pegawai ing sisih wétan. Pendopo Mandae gadhah 7 kisi-kisi ing bagéyan ngajeng lan ugi 2 ing wingking ingkang saged dipunginakaken kanggé ngawasi sedaya wewengkon ing sekitar mriku. Ing celakipun tembok bagéyan kulon pendopo wonten satunggaling balé kambang minangka lambang saking Gunung Bangjangseon, salah satunggal saking 3 gunung keramat wonten ing kapitadosan Taoisme.[1] Sepasang watu ingkang awujud cagak jumeneng wonten ing ngajengipun Cheondeoksa. Ing masa rumiyin, api unggun dipundamel ing watu-watu menika kanggé madhangi jésa nalika wanci dalu.

Cathetan suku[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Byeongsan_Seowon&oldid=843322"