Buxoro
| Wewengkon Buxoro Buxoro viloyati | |
|---|---|
| Wewengkon | |
 Buxoro ing Uzbèkistan | |
| Koordhinat: 40°10′N 63°40′E / 40.167°N 63.667°EKoordhinat: 40°10′N 63°40′E / 40.167°N 63.667°E | |
| Nagara | Uzbèkistan |
| Kutha krajan | Buxoro |
| Pamaréntahan | |
| • Hokim | Muhiddin Esanov |
| Laladan | |
| • Gunggung | 39.400 km2 (15,200 sq mi) |
| Cacah warga (2009-01-01) | |
| • Gunggung | 1.543.900 |
| • Pepadhet | 39/km2 (100/sq mi) |
| Zona wektu | Wétan (UTC+5) |
| • Usum panas (DST) | durung dingertèni (UTC+5) |
| Kodhe ISO 3166 | UZ-BU |
| Dhistrik | 11 |
| Kutha gedhé | 11 |
| Kutha madya | 3 |
| Désa | 121 |
| Situs wèb | https://buxoro.uz |
Buxoro (Basa Uzbèk: Buxoro viloyati) iku sawijining wewengkon ing Uzbèkistan kang kapernah ing kidul-kuloné nagara iku. Pérangan gedhé wewengkoné dhapur Sagara wedhi Kyzyl Kum. Wewengkon iki watesan karo Turkménistan, Wewengkon Navoiy, Wewengkon Qashqadaryo, pérangan cilik Wewengkon Xorazm, lan Républik Karakalpakstan. Ambaning wewengkon iki 39.400 km2. Cacah kang ndunungi ana watara 1.543.900 (mirid katerangan taun 2009), kanthi 71% wargané urip ing papan-papan kapencil.[1]
Wewengkon Buxoro kapérang ing 11 dhistrik administratif. Kutha krajané ya iku Buxoro (cacah wargané watara 241.300 dhèk pungkasaning taun 2005). Kutha-kutha gedhé liyané kaya ta Alat, Karakul, Galaasiya, Gazli, Gijduvan (cacah warga 40.600 dhèk pungkasaning taun 2005), Kagan (cacah warga 53.500 dhèk pungkasaning taun 2005), Romitan, Shafirkan, lan Vabkent.
Iklimé kang lumrah ya iku iklim kontinèntal kang garing.
Kutha kuna Buxoro iku Situs Warisan Donya UNESCO kang kasuwur minangka "musiyum urip" lan punjering pariwisata internasional ing nagara iku. Ana akèh yasan arsitèktur lan sajarah ing njeron lan sakiwa-tengené kutha iki.
Wewengkon Buxoro duwé sumber daya alam kang akèh, mligi gas alam, lenga patra, grafit, bèntonit, marmer, sulfur, gamping, lan bahan-bahan mentahan kanggo yeyasa. Kagiyatan indhustri kang paling maju iku kilang lenga, dhékomposisi kapas, kain (kalebu ikat Uzbèk), lan indhustri-indhustri cilik liyané. Kriya adat Uzbèk kaya ta suji emas, kramik, lan ukir isih lestari ing wewengkon iki.
Pérangan administratif[besut | besut sumber]
| Jeneng dhistrik |
Kutha krajan |
|---|---|
| Jonkoping | Jonkoping |
| Buxoro | Galaosiyo |
| G'ijduvon | G'ijduvon |
| Jondor | Jondor |
| Kogon | Kagan |
| Qorako'l | Qorako'l |
| Qorovulbozor | Qorovulbozor |
| Peshku | Yangibozor |
| Romitan | Romitan |
| Shofirkon | Shofirkon |
| Vobkent | Vobkent |
Réferènsi[besut | besut sumber]
- ↑ Statistical Yearbook of the Regions of Uzbekistan 2009, State Statistical Committee, Tashkent, 2009 (ing basa Ruslan).
Pranala njaba[besut | besut sumber]
- Situs wèb resmi Archived 2019-05-23 at the Wayback Machine.
- Chisholm, Hugh, èd. (1911). . Encyclopædia Britannica (ing basa Inggris). Vol. 4 (édhisi ka-11). Cambridge University Press. kc. 156–157.