Brengos kucing

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bréngos Kucing
Orthosiphon aristatus
Klasifikasi èlmiah
krajan: Plantae
(unranked): Angiosperms
divisio: Spermatophyta
Subdivisio: Angiospermae
(unranked): Eudicots
kelas: Dicotyledonae
(unranked): Asterids
ordo: Lamiales
kulawarga: Lamiaceae
Genus: Orthosiphon
Species: O. aristatus
Jeneng binomial
Orthosiphon aristatus
(Blume) Miq.

Brengos kucing utawa Bréngos kucing (Jeneng ilmiah = Orthosiphon stamineus Benth utawa Orthosiphon aristatus (B1) Miq.) yaiku taneman obat kang kembangé awujud kaya bréngos kucing. [1][2][3] Ing Jawa bréngos kucing uga diarani remujung. [1] Béda manèh yen ing Madura, bréngos kucing diarani sesalaseyan utawa soengot koceng. [1] Ora mung ing Indonesia waé, yèn ing negara Cina bréngos kucing diarani mao xu cao. [1] Bréngos kucing isih sakulawarga karo jinis Labiatae utawa Lamiaceae. [2]

Wujud lan Thukulé[sunting | sunting sumber]

Wit bréngos kucing thukulé ngadeg, lurus, lan tegak nanging cenderung rungkut. [1] Gagangé nduwèni werna soklat semu wungu utawa semu abang lan bentuké kothak. [1] Brèngos kucing nduwé wangun godhong kang kaya kupat, pinggiré lancip, lan ana tutul-tutulé. [1] Déné kembangé thukul saka pucuk gagang, benang sarine luwih dawa tinimbang tabung kembangé, lan wernané putih utawa biru. [1] Wit bréngos paling cocog thukul ing papan panggonan kang kagolong dhataran cendhék nganti dhataran dhuwur. [1] Wit bréngos kucing bisa ditandur kanthi cara stèk ing gagangé, yaiku pilihen gagang kang rada tuwa. [1] Banjur kethok dawané 15-20 cm banjur ditandur ing lemah. [1] Wit bréngos kucing akèh ditandur ing tegalan utawa kebon. [4] Lemah andosol lan latosol apik banget kanggo mbudidaya bréngos kucing. [5] Saiki akèh kang nandur ing ngarep omah amarga bréngos kucing bisa ngasilaké dhuwit kang lumayan. [4]

Kandhungan Kimia lan Kasiyaté[sunting | sunting sumber]

Kandhungan kimia ing bréngos kucing yaiku lenga atsiri, orthosiphon glikosida, zat samak, saponin, sapofonin, uyah kalium, myoinositol, lenga gajih, trimetil-apigenin, eupatorin, sinensetin, tetrametil-luteolin, lan tetrametil-skutelarein. [1][2] Bréngos kucing rasané rada pait, adhem, lan ana rasa leginé. [2] Kasiyat bréngos kucing yaiku bisa nambani anyang-anyangen utawa infèksi saluran kanggo uyuh, kangélan nguyuh lan rasané lara, darah tinggi, panas, infèksi ginjal, kencing batu, lara boyok, nambah nafsu mangan, lan dadi obat antiradhang. [1][2] Bagéyan kang dianggo kabèh, yaiku saka oyod nganti kembangé kanthi digodhog utawa digaringaké, digawé kayadéné tèh, banjur diunjuk. [1][3]

Ama lan penyakit[sunting | sunting sumber]

Ama ing tanduran bréngos kucing ora pati ngrusak tanduran iku, yaiku kutu lan uler. [5] Déné penyakit kang ana ing tanduran bréngos kucing yaiku penyakit kang disebabaké déning jamur upas (Upsia salmonicolor utawa Corticium salmonicolor).[5] Uga ana gulma kang nyerang tanduran brèngos kucing kayadené gulma. [5] Gulma kang biyasa nyerang tanduran bréngos kucing kalebu gulma kebon kayata rumput teki, lulangan, ageratum, alang-alang, lan suket liyane. [5] Ama lan penyakit kasebut bisa diilangaké kanthi cara PHT, yaiku Pengendalian Hama secara Terpadu kang migunakaké pèstisida nabati. [5]

Cathetan Suku[sunting | sunting sumber]

  1. ^ a b c d e f g h i j k l m n (id)Muhlisah, Fauziah. 2001. Taman Obat Keluarga. Jakarta: Panebar Swadaya. Hal 37-39 ISBN 979-489-308-0
  2. ^ a b c d e (id)Wijayakusuma, Hembing. 2006. Resep Alami dari Pakar Herbal Atasi Asam Urat & Rematik Ala Hembing. Jakarta: Puspa Swara. Hal 35. ISBN 979-24-4807-1
  3. ^ a b (id)Dalimarta, Setiawan. 2001. 96 Resep Tumbuhan Obat untuk Rematik. Jakarta: Panebar Swadaya. Hal 52-53. ISBN 979-489-560-1
  4. ^ a b (id)Inu, Ade. 1981. Kebun Apotik. Jakarta: Aries Lima. Hal 4-5
  5. ^ a b c d e f (id) Kumis kucing
Sumber artikel punika saking kaca situs web: "http://jv.wikipedia.org/w/index.php?title=Brengos_kucing&oldid=829620"