Bioluminesensi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bioluminesensi kang diasilake jamur Panellus Stipticus.

Bioluminesensi yaiku emisi cahya kang diasilake dening makluk amarga anane reaksi kimia tertemtu.[1] Nganti seprene, bioluminesensi wis ditemokakake sacara alami ing macem-macem makluk kayata cendawan, bakteri, lan organisme ing banyunan, nanging ora ditemokake anan ing tanduran, kewan vertebrata terestrial, amfibi, lan mamalia. [2] Akeh-akehe plankton duweni kaprigelan ngasilake pendaran, utamane plankton kang urip ing banyunan laut kang jeru.[2] Ing mikroba, bioluminesensi kang dihasilkan durung dingerteni manfaate, dene ing kewan liyane digunakake minangka sinyal kawin, predasi, lan perlindungan tumrap pemangsa.[2]Akeh bakteri kang bisa ngasilake bioluminesensi, umume dingerteni candhake menawa kabeh bakteri kagolong bakteri gram negatif, motil, duweni morfologi batang, lan asipat aerob atawa anaerob fakultatif. [2] Bakteri-bakteri iku kasebar ing daerah laut, banyu tawar, lan lemah. tuladhane bakteri penghasil bioluminesensi kang wis diteliti yaiku genus Vibrio (V. harveyi, V. fischeri, V. cholera), Photobacterium (P. phosphoreum, P. leiognathi), Xenorhabdus (X. luminescens), Alteromonas (A. haneda), lan Shewanella. [2] saliyane kuwi, mung sithik cendawan kang dingerteni bisa ngasilake bioluminesensi, ing antarane yaiku Armillaria mellea, Panellus Stipticus, Omphalotus nidiformis, lan Mycena spp.[2]

Cathetan Suku[sunting | sunting sumber]

  1. ^ (Inggris)Vincent Pieribone, David F. Gruber (2006). Aglow in the Dark: The Revolutionary Science of Biofluorescence. Belknap Press. ISBN 978-0-674-01921-8. Hal. 11-21
  2. ^ a b c d e (Inggris)Steven H.D. Haddock, Mark A. Moline, James F. Case (Januari 2010). "Bioluminescence in the Sea". Annual Review of Marine Science 2: 443-467. doi:10.1146/annurev-marine-120308-081028.
Sumber artikel punika saking kaca situs web: "http://jv.wikipedia.org/w/index.php?title=Bioluminesensi&oldid=830842"