Babad Tanah Jawi

Saka Wikipédia Jawa, bauwarna mardika basa Jawa
(Kaelih saka Babad Tanah Jawa)
Jilid siji saka édhisi cap-capan taun 1917 déning Rd. Pandji Djojosubroto (Serat Babad Tanah Jawi; G.C.T. Van & Company)

Babad Tanah Jawi iku tetenger kanggo sawenèh babon basa Jawa bab sajarahing Tanah Jawa. Reroncèn lan rerincèné ana rupa-rupa lan kupiyané sing tuwa dhéwé katitimangsa ing abad kaping wolulas. Isiné nyritakaké sajarah Tanah Jawa sing kawiwitan Nabi Adam, tumuli sarasilah para déwa, para wayang, darah Kadhiri, darah Pajajaran, darah Majapait, darah Demak, darah Pajang, darah Mataram, lan dipungkasi darah Kartasura.

Amarga ora anané cathethan sajarah primèr, Babad Tanah Jawi dadi salah siji carita rakyat Indonésia sing dienggo nggambaraké aspèk-aspèk rembakané Islam ing Indonésia kawit abad kaping nembelas.

Ing jeroné kocap yèn salin agamané wong Jawa dadi Islam iku amarga lelabuhané Wali Sanga. Jeneng-jenengé wali lan lelawanané wali siji karo liyané ana warna-warna mirid kupiya-kupiya sing ana. Pérangan gedhéné kupiya sarujuk yèn cacahé wali ana sanga, nanging cacahé satemené luwih saka iku.

Babad Tanah Jawi uga ingaran babad gedhé utawa babad mayor.

Uga delengen[besut | besut sumber]

Kapustakan[besut | besut sumber]

  • Olthof, W. L. (2007). Babad Tanah Jawi, Mulai dari Nabi Adam sampai Tahun 1647. Yogyakarta: Narasi. ISBN 9791680477. OCLC 220090178.
  • Ras, J. J. (1987). "The Genesis of Babad Tanah Jawi: Origin and Function of the Javanese Court Chronicle". Bijdragen tot de Taal-, Land- en Volkenkunde. 143 (2/3): 343–356. doi:10.2307/27863843.

Pranala njaba[besut | besut sumber]

  • Babad Tanah Djawi versi L. van Rijckevorsel & R.D.S. Hadiwidjana (1925), Situs Web Ki Dêmang Sókówatèn, ing ki-demang.com