Babad

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Babad iku crita rekan (fiksi) kang adhedhasar prastawa sajarah. Tembung babad iku uga digunakaké ing kasusatran Sundha, Bali, Lombok, lan Madura. Manut Amir Rochkyatmo ing bebukane buku salin basa Babad Tanah Jawi, tembung babad asliné nduwé teges ngethok utawa nrabas alas.[1] Mula saka kuwi, babad ana sesambungané karo mula bukané sawijining panggonan kang mauné alas. Saka panggonan anyar iku banjur sumrambah dadi wong akèh kang dadi garis turun-temurun kaluwarga. Panulisan babad nduwé pangajab nulis asal-usul, tuwuhing, lan sumrambahing wong-wong sing manggon ing tlatah tinamtu.[2]

Lelaku wektu agawé tembung babad dadi sawijining buku sastra kang magepokan marang sajarah. Irah-irahan (judhul) lakon babad bisa sesambungan uga karo critané manungsa utawa prastawa tartamtu.

Panulisan babad[sunting | sunting sumber]

Babad umumé tinulis ing kraton, mula ora anèh yèn kang kacipta uga prastawa-prastawa kang magepokan karo kraton. Crita kang karipta mau dicampur antarané garis turun-temurun kulawarga, mitologi,legenda, crita wong suci, ramalan, impèn, lan wangsit. Naskah iki umumé nganggo tembang macapat.

Amarga babad digawé ing kraton, ora anèh yèn crita babad ngagung-agungaké panguwasa. Malah ana kalané garis turun sinambungaké marang nabi-nabi utawa paraga wayang.

Manéka Warna Babad[sunting | sunting sumber]

Babad Manungsa[sunting | sunting sumber]

Babad Panggonan[sunting | sunting sumber]

Babad Prastawa[sunting | sunting sumber]

Babad liyané[sunting | sunting sumber]

Delengen uga[sunting | sunting sumber]

Rujukan[sunting | sunting sumber]

  1. ^ Babad Tanah Jawi, Sapardi Djoko Damono dkk, 2004, Penerbit Lontar
  2. ^ Pengantar Sejarah Sastra Indonesia, Yudiono K.S., Grasindo
Sumber artikel punika saking kaca situs web: "http://jv.wikipedia.org/w/index.php?title=Babad&oldid=805116"