Antonín Dvořák

Saka Wikipédia Jawa, bauwarna mardika basa Jawa
Antonín Dvořák

Antonín Leopold Dvořák (dipunungelaken:ˈantɔɲi:n ˈlɛɔpɔlt ˈdvɔr̝a:k) (lair ing Nelahozeves, caket Kitha Praha (nalika samanten mlebet wewengkonipun Kamaharajaan Ostenrik, 8 Sèptèmber 1841 – pati 1 Mèi 1904 ing umur 62 taun) inggih punika komponis Ceko saking aliran musik romantik.[1] Gaya musik Dvořák sok-sok dipunsebat "romantis-klasik sintesis".[1] Karya-karyanipun inggih punika simfoni, padhuwan swanten, musik kamar, konserto, opera lan kathah orkèstra lan vokal instrumèn sanèsipun.[1] Karyanipun ingkang paling misuwur inggih punika New World Symphony, Slanovic Dances, American String Quartet, opera Rusalka, Cello Concerto in B minor, lan paduan swanten karya Mater Stabat, Requiem, Op. 89, lan Te Deum.[1]

Awal kagesangan[besut | besut sumber]

Dvořák miyos tanggal 8 September 1841, ing désa Bohemia saking Nelahozeves, caket Kitha Praha (sadèrèngipun mlebet kamaharajaan Ostenrik, lan sapunika mlebet Républik Ceko.[2] Panjenenganipun dipunbaptis minangka tiyang Katulik Roma ing gréja St. Andreas.[2] Gesangipun ing Nelahzoves saged nuwuhaken iman Kristen ingkang kiyat lan tresna kaliyan warisan Bohemian ingkang salajengipun mangaruhi karya musikipun.[2] Ramanipun, František Dvořák (1814-1894) gadhah panginepan, juru main profésional sitar, lan tukang daging.[3] Sanajan ramanipun péngin Dvořák dados tukang daging, Dvořák tetep nglajengaken sekolahipun ing babagan musik.[3] Panjenenganipun nampi pendhidhikan musik ingkang kapisan ing sekolah désa taun 1847 nalika yuswanipun nembé enem taun, saking 1857-1859.[3]

Cathetan suku[besut | besut sumber]

  1. a b c d Jarmil Burghauser: Dvořák’s Requiem dipunundhuh tanggal 10 September 2011)
  2. a b c [John Clapham: Dvořák, Musician and Craftsman, kaca 23]
  3. a b c [New Grove Dictionary of Music and Musicians: Dvořák, Antonín]

Pranala njawi[besut | besut sumber]

Wikisource
Wikisource
Wikisource basa Inggris ndarbeni kaca perkawis