Antoine Lavoisier

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Antoine Lavoisier

Antoine-Laurent de Lavoisier (lair ing Paris, 26 Agustus 1743 – tilar donya ing Paris, 8 Mei 1794 kanthi umur50 taun) inggih punika tiyang ingkang tanggel jawab maringi nama dhateng oksigen wonten ing taun 1774. Pangandikan oksigèn kasusun saking kalih tembung Yunani, oxus (asam) lan gennan (ngasilaken).[1]

Pagesangan[sunting | sunting sumber]

Lavoisier punika sinau bab hukum nalika taksih timur. Éwadéné piyambakipun pikantuk gelar sarjana hukum lan dipunangkat wonten ing lingkungan ahli hukum ananging boten kaping pisan - pisan piyambakipun naté mraktèkaken ilmunipun, éwadéné panci wonten piyambakipun namung wonten ing donya kantoran administrasi Perancis lan pelayanan urusan masyarakat. Ananging ingkang utama piyambakipun remen ing bidang Akademi Ilmiah Kerajaan Perancis. Piyambakipun ugi anggota Ferme Générale, sawijining organisasi ingkang wonten ing donya urusan pajak. Akibatipun, sasampuning Revolusi Perancis 1789, pamarètahan révolusionèr nduga piyambakipun kanthi sanget.[2]

Pungkasanipun, piyambakipun dipuncekel, sesarengan kaliyan pitu likur (27) anggota Ferme Generale. Pengadilan révolusi mungkin boten langkung tliti, ananging prosès pamariksan lumampah kanthi cepet. Wonten ing sawijining dinten tanggal 8 Mei 1794 pitu likur tiyang punika dipunadili, dipunnyatakaken lepat lan dipunpenggal sirahipun kanthi guillotine.

Nalika wonten ing pengadilan, wonten panyuwunan supados kasus Lavoisier dipunpisahaken, kanthi ngajengaken sajumlah pengabdian ingkang sampuh dipuntindakaken kanggé masyarakat lan ilmu pengetahuan. Hakim nolak panyuwunan punika kanthi koméntar ringkes: "Republik boten mbetahaken tiyang-tiyang genius." Ahli matematika ageng Joseph Louis Lagrange kanthi mangkel lan trep mbéla kanca-kancanipun: "Panci dipunperlukaken wekdal sekedhik kanggé menggal satunggaling sirah, ananging boten cekap wekdal satunggalatus taun kanggé mapanaken sirah kados punika wonten ing posisi wiwitan."

Panalitèn[sunting | sunting sumber]

Lavoiser sampun ngrantam skéma kapisanan ingkang karantam kanthi rapi babagan sistem kimiawi (nyambut damel kaliyan Berthollet, Fourcroy lan Guyton de Morveau). Wonten ing sistem Lavoisier (ingkang dados dhasar pandom dumugi sakmenika) komposisi kimia dipunlukisaken kanthi namanipun. Kanggé kapisanan panariman sawijining sistem kimia ingkang satunggal ragam dipunandharaken saèngga mungkinaken para ahli kimia wonten ing donya saged sami gegayutan satunggalbaka satunggal kaliyan sanèsipun wonten ing penemuan-penemuanipun.[3]

Lavoisier minangka tiyang ingkang kapisanan ingkang kanthi gamblang nedahaken prinsip-prinsip panyimpenan jumlah reaksi benda kimia tanpa bentuk tartamtu: inggih punika réaksi saged ngatur malih elemen ingkang leres wonten ing substansi wiwitan ananging boten wonten bab ingkang kaleburaken lan wonten ing kasil pungkasan wonten ing bobot ingkang sami kados komponèn asal. Kapitadosan Lovoisier babagan wigatinipun katlitèn nimbang bahan kimiawi nggayutaken réksi ingkang ngéwahi ilmu kimia dados ilmu eksakta lan ugi nyamektakaken margi kanggé kathah kemajengan-kemajengaken ing bidang kimia wonten ing wekdal-wekdal candhakipun.


Cathetan Suku[sunting | sunting sumber]

Logo Wikimedia Commons
Pirsani galeri bab Antoine Lavoisier ing Wikimedia Commons.

Sumber artikel punika saking kaca situs web: "http://jv.wikipedia.org/w/index.php?title=Antoine_Lavoisier&oldid=843374"