Guillotine

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Replika guillotine Perancis era abad kaping 17 lan kaping 18.

Guillotine iku sawijining piranti kanggo mrejaya wong sing wis divonis ukuman pati kanthi cepet lan 'manusiawi'.

Guillotine dadi misuwur ing mangsa Révolusi Prancis, ananging sakbeneré wis ana piranti kaya kuwi. Guillotine dijenengaké miturut Joseph Ignace Guillotin (1738 - 1814), sing mrayogakaké supaya nganggo piranti iki minangka piranti eksekusi. Ironisé dhèwèké dhéwé sakbeneré ora sarujuk marang ukuman mati. Dhèwèké duwé panjangka yèn pitanti iki bakal mungkasi ukuman mati.

Ing sajroning Révolusi Prancis, dibutuhaké sawijining piranti sing bisa ngèksekusi para terdakwa sacara cepet. Guillotine iki nyukupi persaratan iki, mula ing saben désa ing Prancis ing tengah pasar tansah dipasang piranti iki.

Lukisan Dr. Guillotin

Ing tanggal 25 April 1792, Nicolas Jacques Pelletier minangka kurban pisanan guillotine. Sacara total jroning Révolusi Prancis puluhan èwu wong dièksekusi migunakaké piranti iki. Ing Paris waé kira-kira 40.000 jiwa diprejaya nganggo guillotine, antara liya Raja Louis XVI lan garwané Marie Antoinette.

Guillotine dirancang supaya èksekusi manusiawi lan sabisa-bisané ora krasa lara. Wong sing diukum pati ditata mengkurep lan guluné didèlèh ing antara rong balok kayu sing tengahé ana bolongan kanggo tibané lading. Saka panggonan sing dhuwuré 7 meter, peso landhep ditibakna déning algojo lan sirahé wong sing didakwa tiba ing sawijining kranjang. Eksekusi mawa guillotine nalika iku dadi tontonan umum, nanging guillotine banjur didèlèh sajroning pakunjaran amarga dianggep kejem. Kadakwa pungkasan sing diukum pati mawa alat iki yaiku Hamida Djandoubi. Panjenengané dièksekusi ing Marseille tanggal 10 September 1977.

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Guillotine&oldid=821542"