Aias

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pedimen Aias wonten ing kuil Aphala, 505-510 SM, Glyptothek, Munich.

Aias (basa Yunani: Αἴας) inggih menika satunggaling pahlawan wonten ing mitologi Yunani. Piyambakipun menika putra saking Telamon lan Periboia lan kalebet raja ing Salamis.[1] Aias menika ponakan Akhilles lan kakangipun Teukros. Aias gadhah peran ingkang wigati wonten Iliad anggitanipun Homeros lan wonten ing Siklus Epik, inggih menika reroncèning wiracarita babagan Perang Troya.

Sejarawan Italia, Maggiani naté manggihaken satunggaling makam Etruska ing Bologna (abad kaping 5 Masehi) mawi seratan aivastelmunsl (kulawarga Aias Telamon). Kejawi piyambakipun, wonten tokoh sanes ingkang ugi anama Aias, putra Oileus. Kagem mbedakaken, Aias saking Salamis menika asring dipunsebat "Aias Telamon," "Aias Besar," utawi "Aias Agung". Wonten ing mitologi Etruska piyambakipun kawéntar minangka Aivas Tlamunus.

Dèskripsi[sunting | sunting sumber]

Aias kagambaraken minangka sosok ingkang gagah lan dhuwur. Piyambakipun prajurit mawi badan paling inggil lan mawi kekuwatan otot paling kuwat ing pasukan Akhaia (Yunani). Anggènipun tempur namung Akhilles lan Diomedes ingkang langkung sekti tinimbang Aias. Piyambakipun gadhah jejuluk "Benteng Mikenai". Ingkang nggladhen Aias menika Kheiron, kentaur bijak ingkang naté nggladhen bapakipun Aias, Telamon, lan bapakipun Akhilles, Peleus. Kejawi Akhilles, Aias (sareng kalihan Diomedes) menika prajurit paling wigati ing pasukan Agamemnon, sanajan Aias boten pinter kados Nestor, Diomedes, Idomenios, utawi Odisseus. Aias boten naté kelaran nalika tempur. Kejawi menika Aias boten naté dipunbiyantu dening dewa nalika nembe perang. Aias gadhah perisai ingkang kadamel saking pitung lapis kulit sapi lan setunggal lapis perunggu.

Wonten ing mitologi[sunting | sunting sumber]

Aias lan Hektor ijolan bebungah, ilustrasi damelanipun Andrea Alciati,

Perang Troya[sunting | sunting sumber]

Aias kawéntar awit saking kuwat lan kuwantunanipun, mliginipun ing kalih perang nglawan Hektor. Ingkang kapisan adhedhasar undian Aias kedah tarung kalihan Hektor. Mulanipun Aias katingal langkung unggul amargi kasil damel lara Hektor mawi tombakipun lan saged nggebug Hektor ngginakaken watu ingkang ageng. Ananging lajeng Hektor dipunbiyantu dening Zeus saéngga tarung kasebut kapungkasan mawi kasil seri. Boten wonten ingkang dados jawara, saéngga kekalihipun ijolan bebungah lajeng kondur marang pasukanipun piyambak.[2]

Kaping kalih menika Aias kalihan Hektor tempur nalika pasukan Troya nyerang pasukan Mikenai (Yunani). Aias tempur amargi njagi kapal-kapal Yunani. Piyambakipun nguncalke watu ageng lan damel Hektor badhé tewas ananging boten.[3] Apollo ngenggali kekuwatan Hektor saengga Hektor nyerang kapal Yunani malih.[4] Aias ingkang mawi gaman tombak ageng, mlumpat saking kapal lan mateni saben prajurit Troya. Pungkasan adep-adepan kalihan Hektor ingkang badhé ngobong kapal Yunani. Kekalihipun sami tarung lan saged melucuti gaman Aias ananging boten saged damel Aias kelaran.[5] Aias kepeksa kedah mundhur déné Hektoe saged ngobong setunggal kapan. Wonten ing perang kasebut, Aias mateni kathah pemimipin Troya, kalebet Forkis.

Kadang kala Aias tempur kalihan rayinipun Teukros ingkang sampun ahli ngginakaken panah. Aias jumeneng wonten ing ngajeng mawi perisainipun déné Teukros ing wingkingipun lan manah para prajurit Troya. Ing satunggaling dinten, Akhilles dukha marang Agamemnon amargi mendhet budak Akhilles lan Akhilles narik piyambakipun saking perang kasebut. Aias sareng kalihan Odisseus lan Foiniks dipunkirim déning Agamemnon kanthi ancas ngajak Akhilles supados purun tempur malih. Sanajan Akhilels nampi duginipun ananging Akhilels tetep boten purun perang malih.[6]

Sedanipun Aias[sunting | sunting sumber]

Cathetan suku[sunting | sunting sumber]

  1. ^ "Salamis The Island" Salamis The Island -- Salamina Municipality - Greek Island
  2. ^ Homeros, Iliad Buku 7
  3. ^ Homeros, Iliad Buku 14
  4. ^ Homeros, Iliad Buku 15
  5. ^ Homeros, Iliad Buku 16
  6. ^ Homeros, Iliad Buku 9

Referensi[sunting | sunting sumber]

Pranala njawi[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Aias&oldid=836846"