Abdurrahman As-Sudais

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Abdurrahman as-Sudais
Lair 10 Februari 1960
Riyadh, Arab Saudi
Pagawéyan Imam

Abdurrahman as-Sudais inggih menika salah satunggalipun qori kawentar ingkang asalipun saking Arab Saudi.[1] Panjenenganipun lair ing Saudi Arabia saking kabilah kulawarga Anza. Panjenenganipun samenika dados imam utama ing Masjidil Haram, Makkah Al Mukarramah.[1] As-Sudais dipunangkat dados imam nalikanipun nembé yuswa 22 taun.[2] Sanesipun dados imam, panjenenganipun dados dosen ing Universitas Syariah Islamiyah Ummul Qura’.[1] Ing yuswanipun ingkang nembé 12 taun, Abdurrahman as-Sudais sampun apal kitab suci Al Quran. Wekdal menika panjenenganipun sekolah ing SD ‘Al Muthana Bin Harith’. Taun 1979, panjenengan lulus kanthi prédikat istiméwa saking Institut Sains Riyadh.[1] Taun 1983, Abdurrahman as-Sudais ngudi gelar sarjana ing bidhang Syariah ing Universitas Riyadh, lajeng gelar master ing Fakultas Syariah ing Universitas Islam Imam Muhammad bin Saud ing taun 1987.[1] Lan gelar profesor saking Universitas Syariah Islamiyah Ummul Qura’ ing taun 1995. As-Sudais kawentar ing saindhenging Donya Islam minangka qori ingkang nggadhahi swanten ingkang khas lan kanthi pangraosan nalikanipun maos Al Quran.[1] Taun 2005, Abdurrahman as-Sudais pikantuk panghargyan minangka figur Islami taun 2005 kaping sanga (Islamic Personality of the Year) ing Dubai wonten ing adicara Dubai International Holy Quran Award.[1]

Cathetan suku[sunting | sunting sumber]

  1. ^ a b c d e f g (en)Download Al Quran mp3 High Quality 128 kbps Abdur Rahman as-Sudais(dipunaksès tanggal 9 Juni 2011)
  2. ^ (id)http://www.abatasa.com/berita/detail/figures/2985/www.availmember.com Syaikh Sudais Akan Kunjungi DDII](dipunaksès tanggal 9 Juni 2011)