A-10 Thunderbolt II

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
A-10 Thunderbolt II.

A-10/OA-10 Thunderbolt II, arupa motor mabur Angkatan Udara AS pisanan kang dirancang kanggo dukungan udara cepak karo pasukan darat. Deweké arupa salah sijiné pesawat jet sederhana, efektif lan daya-selamat duwur, kanti kursi tunggal, mesin-ganda dirancang kanggo nyerang sasaran ing darat, kalebu tank lan kendaraan lapis baja liyané. motor mabur A-10 amung digunakake dèning Angkatan Udara Amerika Serikat lan direncanakake tetep dienggo nganti taun 2028.

A-10 Thunderbolt II yaiku pesawat jet tempur kanti kursi tunggal lan kanti mesin ganda kang duweni spesialisasi sebagai pesawat tempur dukungan udara kang wis digawe nalika awal 1970. Pesawat iki diproduksi dening pabrikan pesawat Fairchild Republic, perusahaan kang didegake nalika taun 1925 lan wis kaping-kaping pindah pemilik. Terakhir kaline perusahaan iki dituku dening salah sijine industri pertahanan Israel, Elbit Systems.

A-10 Thunderbolt II dirancang kanggo kebutuhan Angkatan Udara AS kangggo perlindungan lan dukungan udara (CAS: Close Air Support) kanggo pasukan ing darat saka tank utawa kendaraan tempur lapis baja musuh. A-10 arupa pesawat tempur pertama duwene AS kang dirancang kanggo dukungan udara.

Pesawat iki disenjatani kanti meriam rotary bobot GAU-8 Avenger minangka senjata utamane. Senjata iki dadi meriam rotary paling abot kang pernah dipasangake ing salah sijine pesawat tempur. Pira-pira bagiyan saka lambung pesawat dilapisi baja kanti total bobot luwih saka 540 kg. bagiyan-bagiyan kasebut dirancang kanggo isa terus berfungsi sak suwi-suwine. Kanti perlindungan lapisan baja kasebut, dikarepake pesawat isa tetep terbang senajan wis ngalami kerusakan kang parah. Ora aneh yen nganti saiki Angkatan Udara AS isih ngoperasikake A-10 Thunderbolt II.

Jeneng mburi A-10 dijukuk saka pesawat P-47 Thunderbolt, salah sijine pesawat tempur kang efektif banget minangka dukungan udara nlika masa Perang Dunya II. Ing kalangan penerbangan tempur AS, A-10 Thunderbolt terkenal kanti julukan jeneng "Warthog" utawa "Hog". Minangka penempur udara kanggo misi sekunder, pesawat iki nyediakake control udara marang garis ngarep lan mbimbing pesawat tempur liyane guna nyerang target ing darat. Kang kerep digunakake nalika misi kaya iki yaiku saka varian OA-10. Miturut kabar, A-10 Thunderbolt bakal terus digunakake dening Angkatan Udara AS nganti tahun 2028.


Sajarah[sunting | sunting sumber]

Sakdurunge anane A-10 Thunderbolt II, Angkatan Udara AS pernah dikritik amerga dianggep ora serius nediakake pesawat tempur khusus dukungan udara kanggo pasukan ing darat. Sajrone Perang Vietnam, akeh pesawat tempur AS kang tiba nalika digunakake kanggo nglakokake serangan sajrone pertempuran darat. Pesawat-pesawat iku kanti gampang ditembak tembakan persenjataan entheng. Helikopter tempur kaya Bell UH-1 Iroquois lan AH-1 Cobra kasunyatan ora cocok kanggo ngadepi kendaraan lapis baja musuh. Kapindo helikopter kasebut amung dilengkapi senapan mesin anti personil lan roket kanti target jarak cepak. Wodene jet tempur supersonik kaya F-100 Super Sabre, F-105 Thunderchief, lan F-4 Phantom II duweni kelajuan mabur ang terlalu cepet sahingga awak pesawat ora isa nembak target permukaan kanti akurat uga ora leluasa nglakoakek manuver nalika pertempuran darat. Siji-sijine pesawat tempur dukungan udara kang dianggep efektif nalika jaman iku yaiku A-1 Skyraider, ananging dianggep minangka penempur udara kang wis tuwa.

Nalika tahun 1966, Angkatan Udara AS mbentuk Program A-X (Attack Experimental) kang dipimpin dening Kolonel Avery Kay. Nalika tanggal 6 Maret 1967, Angkatan Udara jaluk marang 21 perusahaan industri pertahanan kanggo melu ing Program A-X iki. Tujuan saka program iki yaiku nglakokake studi kanggo entuk desain pesawat tempur serangan permukaan kang kanti biaya murah. Akhire spesifikasi pesawat kang dikarepake yaiku yen pesawat kasebut duweni kecepatan maksimum 740 km/jam, kanti senjatan meriam mesin kaliber 30 mm, landasan lepas-landas 1.200 meter, angkutan eksternal nganti 7.300 kg, radius tempur 460 km, lan biaya per unit US$ 1,4 yuta. Enem perusahaan ngajokake proposal kanggo pesawat iki. Kang dipilih yaiku prototip pesawat YA-9A gaweyan Northrop lan YA-10A gaweyan Fairchild Republic. Wondene General Electric lan Philco-Ford dipilih kanggo ngembangake lan uji coba prototip meriam mesin GAU-8.

Pesawat YA-10A kang dibangun ing Hagerstown, Maryland dening Fairchild-Republic lan nglakokake penerbangan perdana nalika tanggal 10 Mei 1972 akhire kapilih kanggo digunakake sajrone Program A-X. Wonden General Electric kapilih kanggo gawe meriam mesin GAU-8. Produksi pertama pesawat jet tempur A-10 Thunderbolt mabur pertama kali nalika Oktober 1975 lan penyerahane marang Angkatan Udara AS dimulai nalika Maret 1976. Total ana 715 unit A-10 Thunderbolt kang wis diproduksi, terkahir diwenehake marang Angkatan Udara AS nalika tahun 1984.

Spesifikasi (A-10A)[sunting | sunting sumber]

Karakteristik umum[sunting | sunting sumber]

  • Kru: 1
  • dawa: 53 ft 4 in (16,26 m)
  • Amba swiwi : 57 ft 6 in (17,53 m)
  • Duwur: 14 ft 8 in (4,47 m)
  • Area Swiwi: 506 ft ² (47,0 m²)
  • Airfoil : NACA 6716 akar, NACA 6713 tip
  • Bobot kosong : £ 24.959 (11,321 kg)
  • Loaded berat: £ 30.384 (13.782 kg) Pada CAS Misi: £ 47.094 (21.361 kg)
    • Pada anti-armor misi: £ 42.071 (19.083 kg)
  • Max. bobot lepas landas : £ 50.000 (23.000 kg)
  • Powerplant : 2 × General Electric TF34-GE-100A turbofan , lbf 9.065 (40,32 kN) masing-masing

Prestasi[sunting | sunting sumber]

  • Aja ngluwihi kecepatan : 450 knot (518 mph, 833 km / h) nalika 5.000 kaki (1.500 m) dengan 18 Mk 82 bom
  • Kecepatan maksimum : 381 knot (439 mph, 706 km / h) ing permukaan laut, bersihkan
  • Cruise speed : 300 knot (340 mph, 560 km / h)
  • Stall kecepatan : 120 knot (138 mph, 220 km / h)
  • Memerangi radius :
    • Pada CAS Misi: 250 nm (288 mil, 460 km) pada 1,88 bermesin tunggal berkeliaran jam di 5.000 kaki (1.500 m), 10 menit tempur
    • Pada anti-armor misi: 252 nm (290 mil, 467 km), 40 nm (45 mil, 75 km)) permukaan laut penetrasi dan keluar, 30 menit tempur
  • Ferry kisaran : 2.240 nm (2.580 mil, 4.150 km) dengan 50 knot (55 mph, 90 km / h) headwinds, 20 menit cadangan
  • Layanan langit-langit : 45.000 ft (13.700 m)
  • Tingkat panjat : 6.000 ft / min (30 m / s)
  • Wing pemuatan : £ 99 / ft ² (482 kg / m²)
  • Thrust / berat : 0,36

Cathetan sikil[sunting | sunting sumber]