30 Februari

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kalèndher Swedia Februari 1712

Ing kalèndher Gregorian, Februari isinipun 28 utawi 29 dinten. Nanging ping tiga salebeting sajarah dumados kadadosan ing pundi ing sapérangan nagari, wulan kasebat ndarbèni 30 dinten.

Donya Swedia (ingkang kalebet Finlandia nalika semanten) kagungan rencana kanggé nggentos saking kalendhèr Julian dhateng kalèndher Gregorian milai taun 1700 kanthi mbisak dinten kabisat salaminipun 40 taun ngajeng. Mila, 1700 sanès arupi taun kabisat ing Swedia, nanging taun 1704 lan 1708 punika taun kabisat ing sajawining rencana. Puniki njalari kalèndher Swedia dados setunggal dinten langkung cepet tinimbang kalèndher Julian nanging taksih 10 dinten sawingkingipun kalèndher Gregorian. Kabingungan saya kirang nalika taun 1712, kalih dinten kabisat dipuntambahaken, njalari taun kasebat ndarbèni tanggal 30 Februari. Dinten kasebat sami kaliyan 29 Februari ing kalèndher Julian lan 11 Maret ing kalèndher Gregorian. Panggentosan Swedia dhateng kalèndher Gregorian pungkasanipun dipunlampahi taun 1753.


Taun 1929 Uni Sovyèt nepangaken kalèndher révolusionèr Sovyèt ing pundi saben wulan ndarbèni 30 dinten lan tirahan 5 utawi 6 dinten mboten arupi bagéyan saking wulan punapa kémawon lan dados dinten préi. Mila, taun-taun 1930 lan 1931 ndarbèni 30 Februari nanging panggentosan kasebat dipunbatalaken ing taun 1932 saéngga tumut kalèdher biasa malih.

Sacrobosco, satunggaling cendekiawan abad kaping 13 ngeklaim menawi ing kalèndher Julian wulan Februari ndarbèni 30 dinten ing taun-taun kabisat wiwit 44 SM dumugi 8 M nalika Kaisar Augustus nyekak Februari supados wulan Agustus ingkang dipunnamèkaken miturut asmanipun ndarbèni panjang ingkang sami kaliyan wulan Juli (ingkang dipunamèkaken miturut pangrumiyinipun Kaisar Julius). Éwadéné mekaten mboten wonten bukti sajarah ngenani perkawis punika lan kamungelan ageng puniki namung satunggiling mitos lami.

Kadadosan Wigati[sunting | sunting sumber]

Wiyosan[sunting | sunting sumber]

Séda[sunting | sunting sumber]

Dinten Riyadi saha Dinten Ageng[sunting | sunting sumber]

Sumber[sunting | sunting sumber]

  • The Oxford Companion to the Year. Bonnie Blackburn & Leofranc Holford-Strevens. Oxford University Press 1999. ISBN 0-19-214231-3. Halaman 98-99.

Pranala njawi[sunting | sunting sumber]

Sedaya pranala ing ngandhap punika mawi basa Inggris

Kapurih Mangga Ugi Dipunpriksani[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=30_Februari&oldid=803888"