Yellow Submarine (album)

Saka Wikipédia Jawa, bauwarna mardika basa Jawa

Yellow Submarine iku album kesepuluh the Beatles, band rock saka Inggris, kang dibabar nalika 13 Januari 1969 ning Amèrikah lan 17 Januari 1969 ning Inggris. Album iki didadékkè jalur swara asli kanggo filem kartun kang nunggal jeneng. Film iku digebyagaké ning London, Juli 1968. Album Yellow Submarine iku ngemot enem lagu saka the Beatles kang rong lagune, ya iku "Yellow Submarine" lan "All You Need Is Love" wis pernah dibabar sadurungé. Lagu liyané saka album iku pametu saka jalur swara asli orkestra kang ditip manèh déning prodhuser The Beatles, George Martin.

Proyek iku dianggep kewajiban kontrak déning the Beatles, kang dijaluk kon asok petang lagu anyar kanggo fileme kuwi. Lagu-lagune salong ditulis lan ditip mligine kanggo jalur swara asli, dène liyané iku lagu kang durung dibabarke saka proyek liya. Album kuwi dirampungké rong sasi sawisé album the Beatles - the Beatles (seringe diarani "White Album") makane ora dianggep babaran wigati. Sakbare kuwi Yellow Submarine nampa tanggepan warna-warna saka kritikus musik. Salong nganggep album kuwi nguciwani ndak didelok saka standar the Beatles kang dianggep dhuwur. Album kuwi kelebu 5 lagu paling laris ning UK lan US, lan wis dibabar ning cakram padat bola-bali.