Wong Puyuma

Saka Wikipédia Jawa, bauwarna bébas abasa Jawa

Wong Puyuma (Tyonghowa: 卑南族; pinyin: Bēinán-zú; Pe̍h-ōe-jī: Puyuma-cho̍k, Pi-lâm-cho̍k), utawa uga diarani minangka Pinuyumayan, Peinan utawa Beinan, iku salah sawijining bangsa pribumi Taiwan. Wong-wong iki kerepé dipérang ing klompok Chihpen lan Nanwang, lan loro-loroné manggon in Kabupatèn Taitung ing pasisir wétan Taiwan.

Ing taun 2000 wong Puyuma cacahé ana 9.606 jiwa. Iki cacahé sakiwa-tengené 2,4% padunung pribumi Taiwan, lan nggawé suku bangsa iki dadi nomor enem sing gedhé dhéwé. Wong Puyuma ngomong nganggo basa Puyuma, lan uga basa Mandarin, saha Hokkien Taiwan.

Jeneng "Puyuma" iku tegesé "kamanunggalan" utawa "pasemon", lan wiwitané jeneng otonim para pacatur dialèk Nanwang. Zeitoun lan Cauquelin (2006) uga duwé panemu menawa tembung Puyuma bisa dianalisis minangka pu'-uma, sing tegesé "dikirim menyang tegal."

Situs Peinan[besut | besut sumber]

Patilasan awal dhéwé saka jaman prasajarah ditemokaké ing situs Peinan ing Kutha Taitung. Sing nemokaké yaiku Torii Ryūzō, nalika jaman pendhudhukan Jepang. Nalika nekani Taiwan ping papat, dhèwèké moto-moto pilar-pilar watu ing situs iki. Beinan Cultural Park dibuka taun 1997 kanggo mamèraké lan nglestarèkaké situs arkéologi iki, sing dianggep wigati dhéwé ing Taiwan. Sawijining Museum Nasional Prasajarah Taiwan dibuka ing taun 2002.[1]

Désa-désa[besut | besut sumber]

Désa-désa Puyuma (dipratélakaké saka lor banjur ngidul):[2]

  • Ulibulibuk
  • Bankio
  • Alipai
  • Pinaski
  • Tamalakaw
  • Rikabung
  • Puyuma (Nanwang)
  • Peinan
  • Balangaw
  • Apapalo
  • Kasabakan
  • Katipul
  • Nirbuaqan

Wong Puyuma sing misuwur[besut | besut sumber]

Réferènsi[besut | besut sumber]

  1. ^ "The National Museum of Prehistory and Beinan Culture Park". Taiwan the Heart of Asia. 2013. Dijupuk 2016-12-14. 
  2. ^ Cauquelin, Josiane (1991). Dictionnaire puyuma-français. Paris: Ecole Française d'Extreme-Orient. ISBN 9782855395517. 

Pranala njaba[besut | besut sumber]